പാലക്കാട് കാട്ടാന ആക്രമണത്തിൽ യുവാവ് മരിച്ചു

പാലക്കാട് മുണ്ടൂരിൽ കാട്ടാനയുടെ ആക്രമണത്തിൽ യുവാവ് മരിച്ചു. കയറംക്കോട് സ്വദേശി അലൻ ആണ് മരിച്ചത്. കണ്ണാടൻചോലയ്ക്ക് സമീപം ആയിരുന്നു ആക്രമണം. അലന്റെ അമ്മ വിജിക്ക് പരുക്കേറ്റു. വീട്ടിലേക്ക് പോകുന്ന വഴിയാണ് ആനയുടെ ആക്രമണം. കാട്ടാന പിന്നിൽനിന്നെത്തി ആക്രമിക്കുകയായിരുന്നു. അലന്റെ നെഞ്ചിലാണ് കുത്തേറ്റത്. ആഴത്തിലുള്ള മുറിവ് ഉണ്ടായിരുന്നു. സംഭവ സ്ഥലത്ത് വെച്ച് തന്നെ യുവാവ് മരിച്ചു. മാതാവ് വിജിക്ക് ​ഗുരുതര പരുക്കേറ്റിട്ടുണ്ട്.