പാലക്കാട് ഇലക്ട്രിക് ലൈനിൽ നിന്നും വൈദ്യുതി ഉപയോഗിച്ച് പാടത്ത് മീൻ പിടിക്കുന്നതിനിടെ ഷോക്കേറ്റ് യുവാവ് മരിച്ചു

ഞായറാഴ്ച വൈകിട്ട് ആറുമണിയോടെ ചിറ്റിലഞ്ചേരി വട്ടോംപാടത്തുള്ള തോട്ടിലാണ് അപകടമുണ്ടായത്. ഇലക്ട്രിക് ലൈനിൽ നിന്നും അനധികൃതമായി വൈദ്യുതി ഉപയോഗിച്ച് മീൻ പിടിക്കുന്നതിനിടയിലാണ് സതീഷിന് ഷോക്കേറ്റത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

കസ്റ്റഡിയിലുള്ള സുഹൃത്തുക്കൾക്കെതിരെ മനപൂർവ്വമല്ലാത്ത നരഹത്യയ്ക്കാണ് ആലത്തൂർ പോലീസ് കേസെടുത്തിരിക്കുന്നത്. സതീഷിന്റെ മൃതദേഹം നിലവിൽ നെന്മാറയിലെ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റ്‌മോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകും.