• HOME
  • »
  • NEWS
  • »
  • kerala
  • »
  • കശ്മീർ പരാമർശം; കെ ടി ജലീലിന്റെ ഓഫീസിൽ കരി ഓയിൽ ഒഴിച്ച് യുവമോർച്ച

കശ്മീർ പരാമർശം; കെ ടി ജലീലിന്റെ ഓഫീസിൽ കരി ഓയിൽ ഒഴിച്ച് യുവമോർച്ച

കശ്മീർ ഇന്ത്യയുടേത് എന്ന് എഴുതിയ പോസ്റ്ററും ഓഫീസിന് മുൻപിൽ യുവമോർച്ച പതിച്ചു.

  • Last Updated :
  • Share this:
    മലപ്പുറം: കെ ടി ജലീൽ എംഎൽഎയുടെ ഓഫീസിൽ കരയോയിൽ ഒഴിച്ച് യുവമോർച്ചയുടെ പ്രതിഷേധം.കെടി ജലീലിന്റെ എടപ്പാളിലെ ഓഫീസിലാണ് യുവമോർച്ച കരി ഓയിൽ ഒഴിച്ചത്.
    കശ്മീർ ഇന്ത്യയുടേത് എന്ന് എഴുതിയ പോസ്റ്ററും ഓഫീസിന് മുൻപിൽ യുവമോർച്ച പതിച്ചു.

    പാകിസ്ഥാന്‍ അധീനതയിലുള്ള കശ്മീരിനെ 'ആസാദ് കാശ്മീരെ'ന്നും ജമ്മുവും കശ്മീർ താഴ്വരയും ലഡാക്കും അടങ്ങിയ ഇന്ത്യയുടെ അവിഭാജ്യ ഭൂപ്രദേശത്തെ 'ഇന്ത്യൻ അധീന കശ്മീരെന്നും' കെ ടി ജലീൽ ഫേസ്ബുക്കില്‍ കുറിച്ചിരുന്നത് വിവാദമായിരുന്നു. സിപിഎം നേതാക്കളുടെ ഇടപെടലിനെ തുടർന്ന് 'ആസാദ് കശ്മീർ'പരാമർശിക്കുന്ന വിവാദ പോസ്റ്റ് പിൻവലിച്ചിരുന്നു.

    Also Read-കശ്മീർ പരാമർശം; 'കെടി ജലീലിന്റെ സ്ഥാനം പാകിസ്ഥാനിൽ'; ഈ നാട്ടിൽ ജീവിക്കാൻ യോഗ്യനല്ലെന്ന് കെ സുരേന്ദ്രൻ

    കശ്മീര്‍ സന്ദര്‍ശനത്തെക്കുറിച്ച് ഫേസ്ബുക്കിലെഴുതിയ കുറിപ്പിലെ പരാമര്‍ശങ്ങള്‍ വിവാദമായിരുന്നു. ഇതിന് പിന്നാലെയാണ് കുറിപ്പിലെ വിവാദ പരാമർശങ്ങൾ പിൻവലിക്കുന്നതായി കെ ടി ജലീൽ അറിയിച്ചത്. കുറിപ്പിലെ പരാമർശങ്ങൾ തെറ്റിദ്ധാരണകൾക്ക് ഇടവരുത്തിയത് ശ്രദ്ധയിൽപ്പെട്ടെന്നും ദുര്‍വ്യാഖ്യാനം ചെയ്ത കുറിപ്പിലെ വരികൾ പിൻവിക്കുന്നുവെന്നുമായിരുന്നു ജലീലിന്റെ പ്രതികരണം.

    Also Read-ഷാജഹാനെ വെട്ടികൊലപ്പെടുത്തിയത് RSS-BJP സംഘം; തെറ്റായ പ്രചരണം നടത്തുന്നു; CPM

    ഫേസ്ബുക്ക് പോസ്റ്റ് പിൻവലിച്ചത് കൊണ്ട് പ്രശ്നം അവസാനിക്കുന്നില്ല. ഇന്ത്യൻ അതിർത്തി അംഗീകരിക്കാത്ത ആളാണ് ജലീൽ. നിയമ നടപടി നേരിടണമെന്നും മാപ്പ് പറയണമെന്നും സുരേന്ദ്രൻ ആവശ്യപ്പെട്ടു. ജലീലിനെതിരെ ബിജെപി പ്രതിഷേധം ശക്തമാക്കുമെന്നും സുരേന്ദ്രന്‍ പറഞ്ഞിരുന്നു.
    Published by:Jayesh Krishnan
    First published: