കോഴിക്കോട് ബാഡ്മിന്റൺ കളിക്കുന്നതിനിടെ യുവാവ് കുഴഞ്ഞു വീണ് മരിച്ചു
- Published by:Anuraj GR
- news18-malayalam
Last Updated:
സുബൈർ എല്ലാ ദിവസവും രാവിലെ സുഹൃത്തുക്കൾക്കൊപ്പം ഷട്ടിൽ കളിക്കുമായിരുന്നു
കോഴിക്കോട്: ഷട്ടിൽ ബാഡ്മിന്റൺ കളിക്കുന്നതിനിടെ യുവാവ് കുഴഞ്ഞു വീണ് മരിച്ചു. കോഴിക്കോട് നരിക്കുനി പുല്ലാളൂർ തച്ചുർതാഴം അറീക്കരപ്പോയിൽ സുബൈർ ( സുബി ) ആണ് മരിച്ചത്. സുഹൃത്തുക്കൾക്കൊപ്പം ഷട്ടിൽ കളിക്കുന്നതിനിടെ കുഴഞ്ഞു വീഴുകയായിരുന്നു. ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
പന്തല് ജോലിക്കാരാനായിരുന്നു സുബൈര്. ഭാര്യ ഹഫ്സത്ത്, മക്കള്:ഹിബ, ഹാദില്. എല്ലാ ദിവസവും രാവിലെ സുഹൃത്തുക്കൾക്കൊപ്പം ഷട്ടിൽ കളിക്കുമായിരുന്നു. ഇന്ന് രാവിലെ പതിവുപോലെ ഷട്ടിൽ കളിക്കാൻ എത്തിയതായിരുന്നു സുബൈർ. കളി തുടങ്ങി അഞ്ച് മിനിട്ടിനകമാണ് സുബൈർ കുഴഞ്ഞുവീണത്.
സുഹൃത്തുക്കൾ വാഹനം വരുത്തി ഉടൻ തന്നെ നരിക്കുനിയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തിക്കുന്നതിന് മുമ്പ് തന്നെ മരണം സംഭവിച്ചിരുന്നതായി ഡോക്ടർ അറിയിച്ചു. തുടർന്ന് നടപടിക്രമങ്ങൾ പൂർത്തിയാക്കി മൃതദേഹം വീട്ടിലെത്തിച്ചു.
advertisement
മയ്യത്ത് നിസ്ക്കാരം തിങ്കളാഴ്ച ഉച്ചയോടെ പരപ്പാറ ജുമുഅ മസ്ജിദിൽ നടന്നു.
News Summary- A young man collapsed and died while playing shuttle badminton. The deceased was identified as Zubair, a native of Narikuni Pullalur, Kozhikode
Location :
Kozhikode,Kozhikode,Kerala
First Published :
Jul 17, 2023 6:30 PM IST
മലയാളം വാർത്തകൾ/ വാർത്ത/Kozhikode/
കോഴിക്കോട് ബാഡ്മിന്റൺ കളിക്കുന്നതിനിടെ യുവാവ് കുഴഞ്ഞു വീണ് മരിച്ചു
