Hand Sanitizers | സാനിറ്റൈസർ ഉപയോഗിക്കുമ്പോൾ ഉറപ്പായും ശ്രദ്ധിക്കേണ്ട 10 കാര്യങ്ങൾ

ഇത് കോവിഡ് കാലം. രോഗം വ്യാപിക്കുന്നത് നമ്മൾ ചിന്തിക്കുന്നതിനേക്കാൾ വേഗത്തിലാണ്. രോഗബാധിതനായ ഒരാൾ ചുമയ്ക്കുകയോ തുമ്മുകയോ സംസാരിക്കുകയോ ചെയ്യുമ്പോൾ കൊറോണവൈറസ് സ്രവങ്ങളിലൂടെ പുറത്തേക്കു തെറിക്കുന്നു. ഇതു കുറച്ചു സമയത്തെക്കെങ്കിലും വായുവിൽ ഉണ്ടായിരിക്കും. അല്ലെങ്കിൽ സമീപത്തെ വസ്തുക്കളിൽ ഉണ്ടാകും. രോഗാണുക്കളുള്ള ഈ പ്രതലങ്ങളിൽ സ്പർശിക്കുന്നത് രോഗം പടരാൻ ഇടയാക്കും. അതിനാൽ, ഇത്തരം സ്ഥലങ്ങളും റെയിലിംഗ്, ഹാൻഡിൽസ് എന്നിവ പതിവായി വൃത്തിയാക്കണമെന്നാണ് വിദഗ്ദ്ധരുടെ നിർദേശം. കൈകഴുകുന്നതും ഈ പ്രതലങ്ങളിൽ സ്പർശിക്കുന്നത് ഒഴിവാക്കുന്നതും വൈറസ് വ്യാപനത്തെ ഒരുപരിധിവരെ മന്ദഗതിയിലാക്കുന്നു.