ഗ്രാമി അവാർഡ്: ആൽബം ഓഫ് ദി ഇയർ പുരസ്കാരം ടെയ്ലർ സ്വിഫ്റ്റിന്

സംഗീത ലോകത്തെ പ്രതിഭകൾക്കായുള്ള 63-ാമത് ഗ്രാമി അവാർഡുകൾ പ്രഖ്യാപിച്ചു. ലോസ് ഏഞ്ചൽസ് കൺവെൻഷൻ സെന്ററിൽ നടന്ന ഗ്രാമി അവാർഡ് ദാന ചടങ്ങിൽ ടെയ്‌ലർ സ്വിഫ്റ്റിന് ആൽബം ഓഫ് ദി ഇയർ പുരസ്കാരം ലഭിച്ചു. ഇതോടെ മൂന്ന് തവണ ആൽബം ഓഫ് ദി ഇയർ പുരസ്കാരം നേടുന്ന വനിതയായി ടെയ്ലർ സ്വിഫ്റ്റ് മാറി. ഫോക്ലോർ എന്ന ആൽബത്തിനാണ് അവാർഡ് ലഭിച്ചത്. പോസ്റ്റ് മലോൺ (ഹോളിവുഡ് ബ്ലീഡിംഗ്), ഡുവാ ലിപ (ഫ്യൂച്ചർ നൊസ്റ്റാൾജിയ), ജേക്കബ് കോലിയർ (വുമൺ ഇൻ മ്യൂസിക്ക്) എന്നിവരാണ് നോമിഷനിലുണ്ടായിരുന്ന മറ്റ് താരങ്ങൾ.