പുരുഷന്മാരുടെ പ്രത്യുല്പാദന ക്ഷമത തിരിച്ചറിയാം ഈ പരിശോധനകളിലൂടെ

ഒരു കുടുംബ ജീവിതം ആരംഭിക്കാൻ ആഗ്രഹിക്കുന്ന ഏതൊരു പുരുഷനെ സംബന്ധിച്ചും അവരുടെ പ്രത്യുല്പാദന ക്ഷമത പ്രധാനമാണ്. പ്രത്യുല്പാദനവുമായി ബന്ധപ്പെട്ട പ്രശ്നങ്ങൾക്കുള്ള പരിശോധനകൾ നിലവിൽ ലഭ്യമാണ്. ആധുനിക മെഡിക്കൽ രംഗം വാഗ്ദാനം ചെയ്യുന്ന ഈ പരിശോധനകൾ പ്രത്യുല്പാദന ക്ഷമത സംബന്ധിച്ച പ്രശ്നങ്ങൾ കണ്ടെത്തുക മാത്രമല്ല ഫലപ്രദമായ ചികിത്സാ രീതികളും വാഗ്ദാനം ചെയ്യുന്നു. പുരുഷന്മാരെ സംബന്ധിച്ചിടത്തോളം അവരുടെ ഭക്ഷണ ക്രമം, വ്യായാമം, മാനസിക സമ്മർദ്ദം എന്നിവയെല്ലാം അവരുടെ ബീജത്തിന്റെ ഗുണനിലവാരത്തെയും, അളവിനെയും സ്വാധീനം ചെലുത്തുന്നുണ്ട്. ഭക്ഷണ ക്രമത്തിലെ പോരായ്മകളും അമിതവണ്ണവും പുരുഷന്മാരിൽ ഹോർമോണുകളുടെ തകരാറിന് കാരണമാകും. കൂടാതെ പുകവലി, മദ്യപാനം, എന്നിവയും പുരുഷ ബീജത്തിന്റെ ഗുണ നിലവാരത്തെ സാരമായി ബാധിക്കും. എന്നാൽ വ്യായാമത്തിലൂടെ ആരോഗ്യം നിലനിർത്താനും ടെസ്റ്റോസ്റ്റിറോൺ ഉത്പാദനം വർധിപ്പിക്കാനും കഴിയും.