ഭക്ഷണത്തിനൊപ്പം ചായയോ കാപ്പിയോ കുടിക്കുന്നവരാണോ? പാൽ ചേർത്ത് കഴിക്കുന്നത് കൊണ്ട് എന്ത് സംഭവിക്കും ?

ഫ്രഷ് ഫ്രൂട്ട് ജ്യൂസുകള്‍ വിറ്റാമിനുകളുടെയും ധാതുക്കളുടെയും കലവറ തന്നെയാണ്. എന്നാല്‍ ശരീരത്തിന് ആവശ്യമായ ഫൈബര്‍ പ്രധാനം ചെയ്യാന്‍ ഇവയ്ക്ക് സാധിക്കാറില്ല. അതിനായി പഴങ്ങള്‍ മുഴുവനോടെ കഴിക്കുന്നതാണ് ഉചിതം. അതുകൊണ്ട് തന്നെ ഫ്രഷ് ജ്യൂസിനെക്കാള്‍ കൂടുതല്‍ പഴവര്‍ഗ്ഗങ്ങള്‍ ഭക്ഷണത്തിലുള്‍പ്പെടുത്തുന്നതാണ് ഉത്തമം എന്നും റിപ്പോര്‍ട്ടില്‍ പറയുന്നു. കൂടാതെ വേനല്‍ക്കാലത്ത് ഇന്ത്യയില്‍ കരിമ്പിന്‍ ജ്യൂസ് ഉപയോഗം വളരെ കൂടുതലാണ്. കരിമ്പില്‍ പഞ്ചസാരയുടെ അംശം വളരെ കൂടുതലാണ്. അതുകൊണ്ട് തന്നെ വളരെ മിതമായ അളവില്‍ മാത്രമേ കരിമ്പിന്‍ ജ്യൂസ് ഉപയോഗിക്കാന്‍ പാടുള്ളൂവെന്നും റിപ്പോര്‍ട്ടില്‍ പറയുന്നു.

കരിക്കിന്‍വെള്ളം കുടിക്കുന്നതിലൂടെ വിവിധ ധാതുക്കള്‍ നമ്മുടെ ശരീരത്തിലേക്ക് എത്തും. എന്നാല്‍ തേങ്ങാവെള്ളം ശരീരത്തിന് നല്ലതല്ലെന്ന് റിപ്പോര്‍ട്ടില്‍ പറയുന്നു.

ഉപ്പിന്റെ ഉപയോഗം കുറയ്ക്കുന്നതിന്റെ ഭാഗമായി ചിലര്‍ വൈറ്റ് സാള്‍ട്ട് പരമാവധി കുറച്ച് അതിന് പകരം പിങ്ക് അല്ലെങ്കില്‍ ബ്ലാക്ക് സാള്‍ട്ട് ഉപയോഗിക്കാറുണ്ട്. റോക്ക് സാള്‍ട്ട് രണ്ട് വിധമുണ്ട്. ഒന്ന് പിങ്ക് സാള്‍ട്ടും രണ്ട് ബ്ലാക്ക് സാള്‍ട്ടും. ഇവയെല്ലാത്തിലുമുള്ള സോഡിയത്തിന്റെ അളവ് ഒന്നുതന്നെയാണെന്നാണ് ഐസിഎംആര്‍ റിപ്പോര്‍ട്ടില്‍ പറയുന്നു.

ഭക്ഷണത്തോടൊപ്പം തന്നെ കായികാധ്വാനങ്ങളിൽ ഏര്‍പ്പെടുന്നതും നമ്മുടെ ആരോഗ്യത്തെ മെച്ചപ്പെടുത്തുമെന്ന് വിദഗ്ധര്‍ പറയാറുണ്ട്. എന്നാല്‍ ഓരോ വ്യക്തികളുടെ ആരോഗ്യസ്ഥിതിയ്ക്ക് അനുസരിച്ചായിരിക്കണം വ്യായാമം തെരഞ്ഞെടുക്കേണ്ടതെന്ന് ഐസിഎംആര്‍ റിപ്പോര്‍ട്ടില്‍ പറയുന്നു.