Health Tips | എന്താണ് ഹൈപ്പർടെൻസീവ് ക്രൈസിസ്? എങ്ങനെ പ്രതിരോധിക്കാം?

ഇത് രക്തക്കുഴലുകളുടെ പ്രവർത്തനത്തെ ബാധിക്കുകയും സാവധാനം രക്തക്കുഴലുകളിൽ ബ്ലോക്കുകൾ ഉണ്ടാകുകയും ചെയ്യുന്നു. ഇത് വലിയ അപകടങ്ങളിലേക്ക് നയിച്ചേക്കാം. ഇന്ത്യ പോലുള്ള ഒരു രാജ്യത്ത്, രോ​ഗം ഗുരുതരമായി മാറുന്നതു വരെ പല ലക്ഷണങ്ങളും ആളുകൾ അവഗണിക്കുകയാണ് പതിവ്. ഹൈപ്പർടെൻസീവ് ക്രൈസിസിന്റെ ചില ലക്ഷണങ്ങളാണ് താഴെ പറയുന്നത്

1. കഠിനമായ തലവേദന: ഹൈപ്പർടെൻസീവ് ക്രൈസിസിന്റെ ഏറ്റവും സാധാരണമായ ലക്ഷണങ്ങളിലൊന്ന് തീവ്രവും സ്ഥിരവുമായ തലവേദനയാണ്. ഇതോടൊപ്പം തലകറക്കവും ഉണ്ടാകാം.

2. നെഞ്ചുവേദന: ഹൃദയ ഭിത്തിയിലെ സമ്മർ​​ദം കൂടുന്നതു മൂലവും ആവശ്യത്തിന് ഓക്‌സിജൻ ലഭിക്കാക്കതു മൂലവും നെഞ്ചുവേദന ഉണ്ടാകാം.

3. ശ്വാസതടസം: ഉയർന്ന രക്തസമ്മർദ്ദം മൂലം രക്തം ബ്ലോക്ക് ആകുന്നതോ കട്ട പിടിക്കുന്നതോ ശ്വാസകോശത്തെ ബാധിച്ചേക്കാം. ഇതു മൂലം ശ്വസിക്കാൻ ബുദ്ധിമുട്ട് അനുഭവപ്പെടുന്നു.

4. കാഴ്ചാ പ്രശ്നങ്ങൾ: മങ്ങിയ കാഴ്ച, കാഴ്ചാ തകരാറുകൾ അല്ലെങ്കിൽ താൽക്കാലികമായുണ്ടാകുന്ന കാഴ്ച നഷ്ടം എന്നിവയും ഹൈപ്പർടെൻസീവ് ക്രൈസിസിന്റെ അനന്തര ഫലമായി ഉണ്ടാകാം.

മരുന്നുകൾ കൃത്യസമയത്ത് കഴിക്കാതിരിക്കുന്നത് , ഡോക്ടർ നിർദ്ദേശിച്ചിട്ടുള്ള ആൻറി ഹൈപ്പർടെൻസിവ് മരുന്നുകൾ കഴിക്കുന്നതിൽ വീഴ്ച വരുത്തുന്നത്, ചില ആരോഗ്യപരമായ അവസ്ഥകൾ (ദീർഘകാലമായുള്ള വൃക്കരോഗം, ഹോർമോൺ തകരാറുകൾ അല്ലെങ്കിൽ ധമനികളുടെ സങ്കോചം), ലഹരിവസ്തുക്കളുടെ ഉപയോഗം , മയക്കു മരുന്നുകൾ, എൽ ആൻറി-ഇൻഫ്ലമേറ്ററി മരുന്നുകൾ അല്ലെങ്കിൽ ഓറൽ കോൺട്രാസെപ്റ്റീവുകൾ എന്നിവയുടെ ഉപയോ​ഗം, ജീവിതശൈലി (ക്രോണിക് സ്ട്രസ്, ഉപ്പിന്റെ അമിതമായ ഉപഭോഗം, ഉദാസീനമായ ജീവിതശൈലി, അമിത വണ്ണം, പുകവലി) എന്നിവയെല്ലാം ഹൈപ്പർടെൻസീവ് ക്രൈസിസ് ഉണ്ടാകാൻ കാരണമാകാം.

1. പതിവായി രക്തസമ്മർദം പരിശോധിക്കുക – രക്തസമ്മർദം പതിവായി പരിശോധിക്കുന്നത് ഏതെങ്കിലും അസാധാരണ ലക്ഷണങ്ങൾ ഉണ്ടോ എന്ന് തിരിച്ചറിയാനും സമയബന്ധിതമായ പ്രതിരോധ മാർ​ഗങ്ങൾ സ്വീകരിക്കാനും മരുന്നുകൾ കഴിക്കണോ എന്നു തീരുമാനിക്കാനും സഹായിക്കും.

2. മരുന്നുകൾ കൃത്യമായി കഴിക്കുക – നിങ്ങളുടെ ഡോക്ടർ നിർദ്ദേശിച്ചിട്ടുള്ള ആൻറി ഹൈപ്പർടെൻസീവ് മരുന്നുകൾ തുടർച്ചയായി കഴിക്കേണ്ടത് അത്യാവശ്യമാണ്.

3. ജീവിതശൈലിയിലെ മാറ്റങ്ങൾ – ചിട്ടയായ വ്യായാമം, ടെൻഷൻ നിയന്ത്രിക്കൽ, സമീകൃതാഹാരം കഴിക്കൽ എന്നിവയിലൂടെ ആരോഗ്യകരമായ ജീവിതശൈലി സ്വീകരിക്കുക, ഭക്ഷണത്തിൽ ഉപ്പിന്റെ അളവ് കുറക്കുക, പുകവലി, അമിതമായ മദ്യപാനം എന്നിവ ഒഴിവാക്കുക. ഇവയെല്ലാം ഹൈപ്പർടെൻസീവ് ക്രൈസിസിനെ പ്രതിരോധിക്കാൻ സഹായിക്കും

4. പതിവ് പരിശോധനകൾ നടത്തുക – ഒരു ഡോക്ടറെ പതിവായി സന്ദർശിച്ച് രക്തസമ്മർദ്ദം നിരീക്ഷിക്കുന്നതും അപകടസാധ്യത ഘടകങ്ങൾ മുൻകൂട്ടി തിരിച്ചറിയുന്നതും നല്ലതാണ്. ആവശ്യമുള്ളപ്പോൾ അടിയന്തിര ശ്രദ്ധയും അടിയന്തിര വൈദ്യസഹായവും സ്വീകരിക്കുക.