IVF | എന്താണ് ഐവിഎഫ് ചികിത്സാ രീതി? നടപടിക്രമങ്ങളെക്കുറിച്ചും പാർശ്വഫലങ്ങളെക്കുറിച്ചും അറിയാം

ഐവിഎഫ് (IVF) എന്നാൽ ഇൻ വിട്രോ ഫെർട്ടിലൈസേഷൻ (In Vitro Fertilisation) എന്നതിന്റെ ചുരുക്കപ്പേരാണ്. ഇത് സ്വാഭാവികമായി അല്ലാതെ ബീജവുമായി അണ്ഡം സംയോജിപ്പിച്ച് ഒരു കുഞ്ഞ് ജനിക്കുന്നതിനുള്ള മെഡിക്കൽ പ്രക്രിയയാണ്. സ്വാഭാവികമായി കുഞ്ഞുങ്ങൾക്ക് ജന്മം നൽകാൻ കഴിയാത്ത പലരും ഈ ചികിത്സാരീതി തിരഞ്ഞെടുക്കുകയും അവ വിജയിക്കുകയും ചെയ്യുന്നുണ്ട്. ചില സെലിബ്രിറ്റികൾ പോലും ഐവിഎഫ് തെരഞ്ഞെടുത്ത് കുഞ്ഞുങ്ങൾക്ക് ജന്മം നൽകിയിട്ടുണ്ട്. മുൻ യുഎസ് പ്രഥമ വനിത മിഷേൽ ഒബാമ, F.R.I.E.N.D.S ഫെയിം കോർട്ടെനി കോക്സ്, കനേഡിയൻ ഗായിക സെലിൻ ഡിയോൺ എന്നിവർ ഇതിൽ പെടുന്നു. അടുത്തിടെ കർദാഷിയൻ സഹോദരിമാരിൽ മൂത്തയാളായ കോർട്ട്‌നി കർദാഷിയാനും താൻ ഐവിഎഫ് നടപടിക്രമങ്ങളിലൂടെ കടന്നുപോകുകയാണെന്ന സൂചന നൽകിയിരുന്നു. അതുമൂലം താൻ നേരിടുന്ന സങ്കീർണതകളെക്കുറിച്ചും താരം തുറന്ന് പറഞ്ഞതായി റിപ്പോർട്ടുകളുണ്ട്. എന്താണ് ഐവിഎഫ് എന്നും അത് ഒരാളുടെ ആരോഗ്യത്തെ എത്രത്തോളം ബാധിക്കുമെന്നും നമുക്ക് നോക്കാം.