'അച്ഛനാണ് എന്റെ വഴികാട്ടി'; പിതാവിന്റെ കൈപ്പടയിലുള്ള പഴയ യുപിഎസ് സി മാർക്ക് ഷീറ്റ് പങ്കുവച്ച് ഐഎഎസ് ഉദ്യോഗസ്ഥ

പഴയ ചില സർട്ടിഫിക്കറ്റുകൾക്കിടയിൽ നിന്നും പിതാവ് എഴുതിയ ഈ മാർക്ക് ഷീറ്റ് താൻ കണ്ടെത്തിയെന്നും അദ്ദേഹം നൽകിയ മാർഗ്ഗനിർദ്ദേശത്തിനും പിന്തുണയ്ക്കും അതിരുകളില്ലെന്നും അതിനെ ഒന്ന് കൊണ്ടും പകരം വയ്ക്കാനാവിലെന്നും ഗോയൽ പറഞ്ഞു. പിതാവ് മരണപ്പെട്ടുവെങ്കിലും ഇപ്പോഴും അദ്ദേഹം തനിയ്ക്കൊപ്പം ഉണ്ടെന്നും സമൂഹത്തെ സേവിക്കാനുള്ള തന്റെ ഈ ദൗത്യത്തിലും അദ്ദേഹം വഴികാട്ടിയായി കൂടെ ഉണ്ടെന്നും ഗോയൽ പറയുന്നു. എവിടെയാണെങ്കിലും എപ്പോഴും സന്തോഷവാനായിരിക്കണമെന്നും ഒപ്പം ഞങ്ങളെ അനുഗ്രഹിക്കണമെന്നും പിതാവിന്റെ ഓർമ്മയിൽ ഗോയൽ പോസ്റ്റിൽ കുറിച്ചു. കഴിഞ്ഞ വർഷമായിരുന്നു ഗോയലിന്റ പിതാവ് മരിച്ചത്.