International Day for Tolerance | ഇന്ന് അന്താരാഷ്ട്ര സഹിഷ്ണുതാ ദിനം; മറ്റുള്ളവരുടെ അവകാശത്തെയും സ്വാതന്ത്ര്യത്തെയും മാനിക്കാം

സമൂഹത്തിൽ നിലവിൽ വർധിച്ചു വരുന്ന അക്രമങ്ങൾ സഹിഷ്ണുതയുടെ പ്രാധാന്യത്തിലേക്കാണ് വിരൽചൂണ്ടുന്നത്. സഹിഷ്ണുത ഒരു മനുഷ്യാവകാശമാണെന്ന വസ്‌തുത പൊതുജനങ്ങളിൽ എത്തിക്കുകയാണ് ഈ ദിനത്തിന്റെ ലക്ഷ്യം. അന്താരാഷ്ട്ര സഹിഷ്ണുതാ ദിനം തുറന്ന മനസ്സിനെയും തുറന്ന കേൾവിയെയും പ്രോത്സാഹിപ്പിക്കുന്നു. അഹിംസയും സഹിഷ്ണുതയും സമാധാനപരമായ സഹവർത്തിത്വത്തിന്റെ താക്കോലാണ്. സംസ്‌കാരങ്ങളിലെ വൈവിധ്യം അംഗീകരിക്കുകയും എന്നാൽ വ്യത്യസ്ത അഭിപ്രായങ്ങളിലും വംശങ്ങളിലും വിശ്വാസങ്ങളിലും ആശയങ്ങളിലും ഉള്ള സൗന്ദര്യത്തെ വില മതിക്കുകയും ചെയ്യുക എന്നതാണ് ഈ ആശയത്തിലൂടെ ഉദ്ദേശിക്കുന്നത്. മറ്റുള്ളവരുടെ അവകാശത്തെയും സ്വാതന്ത്ര്യത്തെയും മാനിക്കുക. അസഹിഷ്ണുതയുടെ ദോഷഫലങ്ങളെക്കുറിച്ച് ആളുകളെ ബോധവത്ക്കരിക്കുക എന്നതൊക്കെയാണ് ഈ ദിനത്തിൽ നമുക്ക് ചെയ്യാൻ കഴിയുക.