പിന്നല്ല! യോജിച്ച വധുവിനെ കിട്ടാനില്ല; കടയ്ക്കു മുന്നിലെ പ്രതിമയെ യുവാവ് വിവാഹം ചെയ്തു

അനുയോജ്യമായ പങ്കാളിയെ കണ്ടെത്താൻ മാർഗ്ഗങ്ങൾ പലതും കൊട്ടിഘോഷിച്ച് നമ്മുടെ മുന്നിൽ വരുന്ന വിവാഹ പരസ്യങ്ങളും മാട്രിമോണി സൈറ്റുകളും എത്രയേറെയുണ്ട്! ഇവിടങ്ങളിൽ ഭാഗ്യ പരീക്ഷണം നടത്താനിറങ്ങി ഫലം കാണാത്ത ആൾക്കാരെ നിങ്ങൾ പരിചയപ്പെട്ടിട്ടുണ്ടോ? ഇല്ലെങ്കിൽ ഒരാളെ ഇതാ ഇവിടെ കണ്ടോളൂ. തിരക്കേറിയ മാർക്കറ്റ് ഏരിയയിലെ കടയുടെ മുന്നിൽ നിൽക്കുന്ന പ്രതിമയെ വിവാഹം കഴിച്ചിരിക്കുകയാണ് ഒരു യുവാവ്. വിവാഹത്തിന്റെ ദൃശ്യങ്ങൾ സോഷ്യൽ മീഡിയയിൽ ചൂടപ്പം പോലെ പ്രചരിച്ചു കഴിഞ്ഞു. ശേഷം വധുവിനൊപ്പം നടന്നു നീങ്ങുന്ന യുവാവിനെ വീഡിയോയിൽ കാണാം.