എന്താണീ 'പൊന്നുമോൻ' സിൻഡ്രോം? ഇന്ത്യൻ കുടുംബങ്ങളിലെ ആൺകുട്ടികളുടെ വളർത്തുദോഷമെന്ന് മനഃശാസ്ത്രജ്ഞ

സോഷ്യൽ മീഡിയയിൽ പങ്കുവെച്ച ഒരു വീഡിയോയിലാണ് രാഹി ഈ പ്രവണതയെക്കുറിച്ച് വിശദീകരിച്ചിരിക്കുന്നത്. ഒരു വീട്ടിൽ താൻ സന്ദർശനം നടത്തിയപ്പോൾ അവിടുന്നുണ്ടായ അനുഭവമാണ് അവർ ഈ സിൻഡ്രോമിനെ കുറിച്ച് വിവരിക്കാൻ ഉദാഹരണമായി എടുത്തത്. ആ വീട്ടിലെത്തിയപ്പോൾ ദമ്പതികളുടെ മൂത്ത മകൻ തന്നോട് പെരുമാറിയ രീതിയും മിനിറ്റുകൾക്കുള്ളിൽ 'പൊന്നുമോൻ സിൻഡ്രോ'മിനെക്കുറിച്ച് മനസ്സിലായതിനെക്കുറിച്ചും അവർ വിവരിച്ചു. താൻ അവിടെ എത്തിയപ്പോൾ, പ്രായപൂർത്തിയായ, താടിയൊക്കെയുള്ള പയ്യൻ സോഫയിൽ കിടക്കുകയായിരുന്നു.തന്നെ കണ്ട ഭാവം നടിച്ചില്ലെന്നും അവർ പറഞ്ഞു. ഒരു കാര്യത്തിനും സഹായിക്കാതെ, ഇരിക്കുന്നിടത്തുനിന്ന് എഴുന്നേൽക്കാൻ പോലും കൂട്ടാക്കാത്ത 'ഏറ്റവും മോശം മനോഭാവമാണ്' അവൻ പുലർത്തിയതെന്ന് കുടുംബത്തോടൊപ്പം സമയം ചെലവഴിച്ചപ്പോൾ മനസിലായതായി റാഹി പറഞ്ഞു.

ഇത്തരത്തിൽ അമിതമായി താലോലിച്ചും വാത്സല്യം നൽകിയും ആൺകുട്ടികളെ വളർത്തുന്നതിന്റെ ദീർഘകാല അനന്തരഫലങ്ങളെക്കുറിച്ചും രാഹി പറഞ്ഞു. ഈ ആൺകുട്ടികൾ മുതിരുമ്പോൾ അത് അവരുടെ ജീവിതത്തിൽ പ്രതിഫലിക്കുമെന്നും അവർ വ്യക്തമാക്കി. ''ഒരു ആൺകുട്ടി ഉത്തരവാദിത്വമില്ലാത്തവനും ബാധ്യതകളുമില്ലാത്ത ഒരാളെപ്പോലെ പെരുമാറുമ്പോൾ, മറുവശത്ത് പെൺകുട്ടി വൈകാരികമായും ശാരീരികവുമായും കഠിനാധ്വാനം ചെയ്ത് അയാളുടെ ഭാര്യയായി ജീവിതം അവസാനിപ്പിക്കുന്നു,'' അവർ കൂട്ടിച്ചേർത്തു.

സമ്മിശ്രമായ രീതിയിലാണ് പലരും വീഡിയോയോട് പ്രതികരിച്ചത്. "എല്ലാ ആൺകുട്ടികളും 'പൊന്നുമോൻ' മാത്രമാണോ? മറ്റൊരു വകഭേദം കണ്ടിട്ടില്ല. വളരെ വളരെ അപൂർവമാണത്," ഒരാൾ പറഞ്ഞു.