ശബരിമല മേല്ശാന്തിയായി എസ് അരുണ്കുമാര് നമ്പൂതിരി; മാളികപ്പുറത്ത് വാസുദേവൻ നമ്പൂതിരി
- Published by:Vishnupriya S
- news18-malayalam
Last Updated:
കൊല്ലം ശക്തിക്കുളങ്ങര സ്വദേശിയായ എസ് അരുണ്കുമാര് നമ്പൂതിരി തിരുവനന്തപുരം ആറ്റുകാല് ക്ഷേത്രത്തിലെ മുൻ മേൽശാന്തിയാണ്
ശബരിമല ക്ഷേത്രത്തിലെ പുതിയ മേല്ശാന്തിയായി എസ് അരുണ്കുമാര് നമ്പൂതിരിയെ തെരഞ്ഞെടുത്തു.
മാളികപ്പുറം മേല്ശാന്തിയായി വാസുദേവൻ നമ്പൂതിരിയെയും തിരഞ്ഞെടുത്തു.
കൊല്ലം ശക്തിക്കുളങ്ങര സ്വദേശിയായ എസ് അരുണ്കുമാര് നമ്പൂതിരി തിരുവനന്തപുരം ആറ്റുകാല് ക്ഷേത്രത്തിലെ മുൻ മേൽശാന്തിയാണ്.
കൊല്ലം ലക്ഷ്മിനട ക്ഷേത്രത്തിലെ മേൽശാന്തിയാണ് നിയുക്ത ശബരിമല മേൽശാന്തിയായി തെരഞ്ഞെടുക്കപ്പെട്ട എസ്. അരുണ്കുമാര്. ശബരിമല മേൽശാന്തി പട്ടികയിൽ ആറ് തവണ ഉൾപ്പെട്ടിട്ടുണ്ട്. വാസുദേവൻ നമ്പൂതിരി കോഴിക്കോട് സ്വദേശിയാണ്.
24 പേരിൽ നിന്നാണ് എസ് അരുണ്കുമാര് നമ്പൂതിരിയെ ശബരിമല മേൽശാന്തിയായി തെരഞ്ഞെടുത്തത്.
advertisement
15 പേരുടെ അന്തിമ പട്ടികയിൽ നിന്നാണ് വാസുദേവൻ നമ്പൂതിരിയെ മാളികപ്പുറം മേൽശാന്തിയായി നറുക്കെടുത്തത്. പന്തളം കൊട്ടാരത്തിലെ ഇളമുറക്കാരായ ഋഷികേശ്, വൈഷ്ണവി എന്നീ കുട്ടികളാണ് മേൽശാന്തിമാരെ തിരഞ്ഞെടുത്തത്.
ഉഷപൂജക്ക് ശേഷം രാവിലെ 7.30യോടെയാണ് ശബരിമലയിൽ പുതിയ മേൽശാന്തിമാരെ തെരഞ്ഞെടുക്കുന്നതിനുള്ള നറുക്കെടുപ്പ് നടന്നത്. ഒക്ടോബർ 21ന് നട അടയ്ക്കും.
മണ്ഡലകാലത്തിന് തുടക്കം കുറിച്ച് നട തുറക്കുന്ന നവംബർ 15നാണ് പുതിയ മേൽശാന്തിമാർ ചുമതല ഏറ്റെടുക്കുന്നത്.
ജീവിതശൈലിയുടെ മാറ്റങ്ങൾ ആരോഗ്യം, ആഹാരം, സംസ്കാരം എല്ലാം അറിയാൻ News18 മലയാളത്തിനൊപ്പം വരൂ
Location :
Pathanamthitta,Kerala
First Published :
October 17, 2024 8:49 AM IST
മലയാളം വാർത്തകൾ/ വാർത്ത/Religion/
ശബരിമല മേല്ശാന്തിയായി എസ് അരുണ്കുമാര് നമ്പൂതിരി; മാളികപ്പുറത്ത് വാസുദേവൻ നമ്പൂതിരി
