ഹജ്ജിനായി മലപ്പുറത്തുനിന്ന് കാൽനടയായി യാത്ര ചെയ്ത ശിഹാബ് ചോറ്റൂർ മക്കയിലെത്തി

റിയാദ്: ഹജ്ജ് നിർവഹിക്കാന്‍ മലപ്പുറത്തുനിന്ന് കാൽനടയായി യാത്രതിരിച്ച ശിഹാബ് ചോറ്റൂർ മക്കയിലെത്തി. കഴിഞ്ഞ മാസം മദീനയിലെത്തിയ കാര്യം ശിഹാബ് തന്നെ അറിയിച്ചിരുന്നു. മദീനയിലെ പ്രവാചകന്റെ പള്ളിക്ക് മുൻപിലുള്ള ചിത്രങ്ങള്‍ ശിഹാബ് സമൂഹമാധ്യമത്തിൽ പങ്കുവെച്ചിട്ടുണ്ട്. ഇവിടെ നിന്ന് 21 ദിവസത്തോളം മദീനയില്‍ ചെലവഴിച്ച ശേഷമാണ് ശിഹാബ് മക്കയിലേക്ക് പുറപ്പെട്ടത്. 370 ദിവസങ്ങള്‍ എടുത്ത് എണ്ണായിരത്തോളം കിലോമീറ്റര്‍ താണ്ടിയാണ് ശിഹാബ് ചോറ്റൂർ ഒടുവില്‍ മക്കയിലെത്തിയത്.