സിറോ മലബാർ സഭ മേജർ ആർച്ച് ബിഷപ് പ്രഖ്യാപനം ഉടൻ

സിറോ മലബാർ സഭയുടെ പുതിയ മേജര്‍ ആർച്ച് ബിഷപ്പിനെ ഇന്ന് പ്രഖ്യാപിച്ചേക്കും. തെരഞ്ഞെടുപ്പ് നടപടികള്‍ സഭാ സിനഡില്‍ പൂര്‍ത്തിയായി. ഇക്കാര്യം മാർപാപ്പയെ ഇന്നലെ വൈകിട്ടുതന്നെ അറിയിച്ചുവെന്നാണ് വിവരം. പാലാ ബിഷപ്പ് മാര്‍ ജോസഫ് കല്ലറങ്ങാട്ടിനെ രഹസ്യ ബാലറ്റിലൂടെ തെരഞ്ഞെടുത്തെന്നാണ് സൂചന. വത്തിക്കാന്റെ അനുമതി ലഭിച്ചാൽ ഉടനെ പ്രഖ്യാപനം ഉണ്ടാകും. മേജർ ആർച്ച് ബിഷപ്പിനെ പ്രഖ്യാപിക്കുന്നതോടെ സിനഡ് സമ്മേളനം അവസാനിക്കും. കുർബാന ഏകീകരണം ഉൾപ്പെടെയുള്ള കാര്യങ്ങളിൽ തീരുമാനമെടുക്കുക പുതിയ നേതൃത്വം ആയിരിക്കും.