എന്താണീ വൈറൽ 'മാരി മി ചിക്കന്‍'?

2016-ല്‍ ആണ് 'മാരി മി ചിക്കന്‍' ഉണ്ടായത്. ഡെലിഷ് എഡിറ്ററായിരുന്ന ലിന്‍ഡ്‌സെ ഫണ്‍സ്റ്റണ്‍ വെയിലത്തുണക്കിയ തക്കാളി, വെളുത്തുള്ളി, ഹെവി ക്രീം, പാര്‍മെസന്‍ എന്നിവ ഉപയോഗിച്ച് ഒരു ചിക്കന്‍ റെസിപ്പി അവതരിപ്പിച്ചു. ഒരു വീഡിയോ ഷൂട്ടിനിടെ ഒരു നിര്‍മ്മാതാവ് ആ വിഭവം രുചിച്ചുനോക്കി. എന്നിട്ട് 'ആ കോഴിക്ക് വേണ്ടി ഞാന്‍ നിന്നെ വിവാഹം കഴിക്കും' എന്ന് അദ്ദേഹം വിളിച്ചുപറഞ്ഞു. ഇതോടെയാണ് ആ ചിക്കന്‍ വിഭവത്തിന് 'മാരി മി ചിക്കന്‍' എന്ന പേര് വന്നത്.

സ്വര്‍ണ നിറത്തില്‍ പാകം ചെയ്‌തെടുക്കുന്ന ചിക്കന്‍ ബ്രെസ്റ്റ് ഭാഗം വെയിലത്തുണക്കിയ തക്കാളി, വെളുത്തുള്ളി, ഹെവി  ക്രീം, പാര്‍മെസന്‍ ചീസ് എന്നിവ ചേര്‍ത്ത് ഒരു പാനില്‍ പാകം ചെയ്യുന്നതാണ് 'മാരി മി ചിക്കന്‍'. തൈം, ഒറിഗാനോ, ബേസില്‍ തുടങ്ങിയവയും ഇതില്‍ ചേര്‍ക്കുന്നു. വൈറ്റ് വൈന്‍, ഡിജോന്‍ കടുക് എന്നിവ ഈ വിഭവത്തിന്റെ രുചി കൂട്ടും. പാസ്തയ്‌ക്കോ ചോറിനോ മാഷ്ഡ് പൊട്ടറ്റോയ്ക്ക് ഒപ്പമോ ഇത് വിളമ്പാവുന്നതാണ്. 30-35 മിനുറ്റിനുള്ളില്‍ വിഭവം തയ്യാറാക്കാം. റൊമാന്റിക് പാര്‍ട്ടികളില്‍ ഏറ്റവും അനുയോജ്യമായ വിഭവം ആണിത്.