തലവേദനയും ഛർദ്ദിയും നിസാരമാക്കിയ 21കാരിയ്ക്ക് സംഭവിച്ചത്

സുഹൃത്തുക്കൾക്കൊപ്പമുള്ള യൂറോപ്യൻ യാത്രയ്ക്കിടെ സിഡ്നി സ്വദേശിയായ 21കാരിയ്ക്ക് ഇടയ്ക്കിടെ ഓക്കാനവും ഛർദ്ദിയും അനുഭവപ്പെട്ടിരുന്നു. എന്നാൽ ആദ്യം ഇത് അത്ര കാര്യമായെടുത്തിരുന്നില്ല. പിന്നീട് വളരെ പെട്ടെന്ന് തന്നെ തലവേദന, ബാലൻസ് പ്രശ്നങ്ങൾ, കാഴ്ച മങ്ങൽ തുടങ്ങിയ അവസ്ഥകളും യുവതിയെ ബാധിച്ചു തുടങ്ങി. ഇതോടെ നടത്തിയ പരിശോധനയിലാണ് ജെനയ ഷാ എന്ന ഈ യുവതിയ്ക്ക് ഗുരുതരമായ ബ്രെയിൻ ട്യൂമറിന്റെ മൂന്നാം സ്റ്റേജാണെന്ന് കണ്ടെത്തിയത്. യുവതിയുടെ വലത് കണ്ണിന്റെ കാഴ്ചയും നഷ്ടപ്പെട്ടു. ഇതോടെ ജെനയയ്ക്ക് വേണ്ടി സുഹൃത്തുക്കൾ അടിയന്തര സഹായ അഭ്യർത്ഥനയുമായി രംഗത്തെത്തി.