Success story | കുടിയേറ്റ തൊഴിലാളി പഞ്ചായത്ത് പ്രസിഡന്റ്; രണ്ടാം ക്ലാസ് വിദ്യാഭ്യാസം മാത്രമുള്ള വനിതയുടെ വിജയഗാഥ

കർണാടകയിലെ (Karnataka) ഉഡുപ്പി (Udupi) ജില്ലയിലെ കുന്ദാപൂർ താലൂക്കിലെ തല്ലൂർ ഗ്രാമപഞ്ചായത്ത് പ്രസിഡന്റായ (Panchayat President) ഭീമവ്വ ഒരു കൂലിപ്പണിക്കാരിയാണ്. ദിവസക്കൂലിക്ക് ജോലി ചെയ്യുന്ന ഒരു സാധാരണക്കാരി. അതിശയം തോന്നുണ്ടാകും, അല്ലേ? വളരെയധികം പ്രചോദനാത്മകമായ ജീവിതത്തിന് ഉടമയാണ് ഭീമവ്വയെന്ന പഞ്ചായത്ത് പ്രസിഡന്റ്. 27 വർഷം മുമ്പ് കടുത്ത വരൾച്ച (Drought) കാരണം ഭീമവ്വയും ഭർത്താവും ജോലി തേടി വടക്കൻ കർണാടക ജില്ലയിലെ ബാഗൽകോട്ടിലെ കടഗേരി ഗ്രാമത്തിൽ നിന്ന് ഉഡുപ്പിയുടെ തീരപ്രദേശത്തേക്ക് കുടിയേറി. ഗ്രാമത്തിൽ രണ്ടേക്കർ ഭൂമിയുണ്ടായിരുന്നെങ്കിലും കടുത്ത വരൾച്ച അവരുടെ സ്വന്തം നാട്ടിലെ ജീവിതം ദുസ്സഹമാക്കിയിരുന്നു. കുടുംബത്തെ പോറ്റാൻ ഭർത്താവിനൊപ്പം ഭീമവ്വയും കൂലിപ്പണിക്കിറങ്ങി. കഴിയുന്ന ജോലികളെല്ലാം ചെയ്തു. കഷ്ടപാടുകൾക്കിടയിലും കുടുംബത്തെ നല്ലരീതിയിൽ മുന്നോട്ട് കൊണ്ട് പോകാനുള്ള പാടവം ഭീമവ്വയ്ക്കുണ്ടായിരുന്നു. അതിലുപരി പ്രദേശവാസികളുടെ പ്രശ്‌നങ്ങൾക്ക് മികച്ച രീതിയിൽ പരിഹാരം കാണാനും ഭീമവ്വയ്ക്ക് ഒരു പ്രത്യേക കഴിവുണ്ടായിരുന്നു.