ബാങ്ക് സേവനങ്ങൾ തടസപ്പെട്ടേക്കും

ഡിസംബര്‍ 21-ന് ബാങ്ക് ഓഫീസർമാർ രാജ്യവ്യാപകമായി പണിമുടക്കുന്നുണ്ട്. സേവന വേതന വ്യവസ്ഥകളിലെയും പെൻഷനിലെയും അപാകതകൾ പരിഹരിക്കണമെന്ന് ആവശ്യപ്പെട്ടാണ് ഓൾ ഇന്ത്യ ബാങ്ക് ഓഫീസേഴ്സ് അസോസിയേഷൻ പണിമുടക്കുന്നത്. ബാങ്ക് ജീവനക്കാർ മുഴുവൻ ഈ സമരത്തിന് പിന്തുണ പ്രഖ്യാപിച്ചേക്കും.

ഡിസംബർ 22 നാലാം ശനിയാഴ്ച ആയതിനാല്‍ ബാങ്കുകള്‍ തുറക്കില്ല. 23 ഞായറാഴ്ച ആയതിനാൽ അന്നും അവധി. 25-ന് ക്രിസ്മസ് അവധിയും. 26 ബുധനാഴ്ച യുണെറ്റഡ് ഫോറം ഓഫ് ബാങ്ക് യൂണിയൻ സമരം പ്രഖ്യാപിച്ചിട്ടുണ്ട്. ബറോഡ, ദേന, വിജയ ബാങ്കുകളുടെ ലയനത്തിനെതിരെയാണ് പണിമുടക്ക്. എന്നാൽ ഈ പണിമുടക്ക് എല്ലാ ബാങ്കുകളുടെയും പ്രവർത്തനത്തെ ബാധിക്കില്ല. ഇതിനിടെ 24ന് മാത്രമാണ് ബാങ്കുകൾ പ്രവർത്തിക്കുന്നത്.