വായ്പാ ഇടപാടുകാരുടെ ആരോപണങ്ങൾ അടിസ്ഥാനരഹിതം: ബൈജൂസ്

‘ആൽഫയിൽ നിന്ന് 500 മില്യൺ ഡോളർ ബൈജൂസ് കടത്തി എന്ന അതിശയകരമായ ആരോപണമാണ് പരാതിക്കാർ ഉന്നയിച്ചിരിക്കുന്നത്. കമ്പനിയുടെ നടപടി ശരിയല്ല എന്ന രീതിയിലാണ് ഇതിനെ വ്യാഖ്യാനിക്കുന്നത്. ഇത് പൂർണ്ണമായും തെറ്റായ വസ്തുതയാണ്. ഈ ആരോപണങ്ങൾ കമ്പനി ശക്തമായി നിഷേധിക്കുന്നു. ക്രഡിറ്റ് എഗ്രിമെന്റിൽ നിന്ന് വ്യതിചലിക്കാതെയും ചട്ടങ്ങൾ പാലിച്ചും എല്ലാ അവകാശങ്ങളും ബാധ്യതകളും പരിരക്ഷിച്ചുകൊണ്ടാണ് ഈ തുക ട്രാൻസ്ഫർ ചെയ്തതെന്ന് കമ്പനി പുറത്തിറക്കിയ പ്രസ്താവനയിൽ പറയുന്നു.