ഇങ്ങനെ കാലാവസ്ഥ മാറിയാൽ ബിയറിന് വില കൂടും; രുചി കുറയുമെന്നും പഠനം

കാലാവസ്ഥാ മാറ്റം ലോകമെമ്പാടും വലിയ രീതിയിലാണ് സ്വാധീനം ചെലുത്തുന്നത്. വെള്ളപ്പൊക്കവും കാട്ടുതീയുമെല്ലാം കാലാവസ്ഥാ മാറ്റത്തിന്റെ സൂചകളായാണ് കണക്കാക്കുന്നത്. ഇപ്പോഴിതാ ലോകത്തിലെ ഏറ്റവും പ്രിയപ്പെട്ട പാനീയങ്ങളിലൊന്നായ ബിയറിന്റെ രുചിയിലും വിലയിലും കാലാവസ്ഥാ മാറ്റം പ്രത്യാഘാതങ്ങളുണ്ടാക്കുമെന്ന് പഠനം. ബിയറിന്റെ സവിശേഷമായ കയ്പു രുചി നല്‍കുന്ന ഹോപ്‌സ് ചെടി കാലാവസ്ഥാ മാറ്റം മൂലം നാശത്തിന്റെ വക്കിലാണെന്ന് ഗവേഷകര്‍ ചൂണ്ടിക്കാട്ടുന്നു. കാലാവസ്ഥയില്‍ പെട്ടെന്നുണ്ടായ മാറ്റം ചെടിയുടെ ലഭ്യതയിലും ഗുണമേന്മയിലും വലിയ മാറ്റങ്ങളാണ് ഉണ്ടാക്കിയിരിക്കുന്നതെന്നും അവര്‍ പറയുന്നു.