Gold price | സ്വർണവില കൂപ്പുകുത്തുന്നു; പവന് 6000 രൂപയിലധികം കുറഞ്ഞു; ഇന്നത്തെ നിരക്ക്
- Published by:meera_57
- news18-malayalam
Last Updated:
ജനുവരി മാസത്തിന്റെ അവസാനം ആരംഭിച്ച നല്ല തുടക്കം ഫെബ്രുവരിയുടെ തുടക്കത്തിലും ആവർത്തിക്കുന്നു
കേരളത്തിലെ സ്വർണവിലയിൽ (gold price) ഇടിവ് തുടരുന്നു. ഒരു പവന് ഒന്നേകാൽ ലക്ഷവും കടന്ന് പോയ സാഹചര്യത്തിൽ നിന്നും വമ്പൻ തിരിച്ചുവരവാണ് സ്വർണവിലയുടെ കാര്യത്തിൽ സംഭവിച്ചിട്ടുള്ളത്. ജനുവരി മാസത്തിന്റെ അവസാനം ആരംഭിച്ച നല്ല തുടക്കം ഫെബ്രുവരിയുടെ തുടക്കത്തിലും ആവർത്തിക്കുന്നു. ജനുവരി 31നും ഫെബ്രുവരി 1നും പവന് 1,17,760 രൂപ ആയിരുന്നിടത്തു നിന്നും ഇന്ന് ഒരു പവന്റെ വില 1,11,120 രൂപയായി മാറി. 22 കാരറ്റ് സ്വർണത്തിന്റെ വിലയാണ് ഇത്. പണിക്കൂലിയും ടാക്സുകളും ഇതിൽ ഉൾപ്പെടില്ല.
അന്താരാഷ്ട്ര സ്പോട്ട് ഗോൾഡ് വിലയിൽ വെള്ളിയാഴ്ച രാത്രിയിൽ ഔൺസിന് 5,000 ഡോളറിൽ താഴെയായതാണ് ഇന്ത്യയിൽ സ്വർണ്ണ വില കുത്തനെ ഇടിയാൻ പ്രധാന കാരണം.
സ്വർണവില തകരാനുള്ള ഏറ്റവും പുതിയ കാരണം കഴിഞ്ഞ ആഴ്ചയിലെ വിപണിയിലെ തകർച്ചയാണ്. യുഎസ് പ്രസിഡന്റ് ഡൊണാൾഡ് ട്രംപ് കെവിൻ വാർഷിനെ യുഎസ് ഫെഡറൽ റിസർവിന്റെ ചെയർമാനായി നാമനിർദ്ദേശം ചെയ്തതിനെ തുടർന്നാണിത് എന്ന് മാർക്കറ്റ് നിരീക്ഷണം. കൂടുതൽ പരുഷമായ നിലപാടുകൾക്ക് പേരുകേട്ട വാർഷ്, ഡോളറിനെ ആകർഷകമാക്കാനും സ്വർണ്ണത്തെ അത്ര ആകർഷണീയമല്ലാതാക്കി മാറ്റാനും ശ്രദ്ധിക്കും എന്ന് ഗുഡ് റിട്ടേൺസ് റിപ്പോർട്ട് ചെയ്യുന്നു.
advertisement
2026 ലെ കേന്ദ്ര ബജറ്റ് പ്രഖ്യാപനങ്ങൾക്ക് ശേഷവും ഫെബ്രുവരി 2 ന് ഇന്ത്യയിൽ സ്വർണ്ണത്തിന്റെയും വെള്ളിയുടെയും വിലകൾ സമ്മർദ്ദത്തിലാണ്. തിങ്കളാഴ്ച, എംസിഎക്സ് സ്വർണ്ണം 2% കുറഞ്ഞ് 1.40 ലക്ഷം രൂപയോളം പിടിച്ചുനിൽക്കാൻ പാടുപെട്ടു, എംസിഎക്സ് വെള്ളി വില ഏകദേശം 6% ഇടിഞ്ഞു, 1 കിലോഗ്രാമിന് 2.50 ലക്ഷം രൂപ എന്ന നിലയിൽ പിടിച്ചു നിൽക്കാൻ ശ്രമിക്കുകയായിരുന്നു.
Summary: The gold price in Kerala continues to decline. There has been a huge rebound in the price of gold from the situation where it crossed one and a half lakh rupees per pavan. The good start that started at the end of January is being repeated at the beginning of February. The price of a pound has gone up from Rs 1,17,760 on January 31 and February 1 to Rs 1,11,120 today
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Feb 02, 2026 11:53 AM IST
മലയാളം വാർത്തകൾ/ വാർത്ത/Money/
Gold price | സ്വർണവില കൂപ്പുകുത്തുന്നു; പവന് 6000 രൂപയിലധികം കുറഞ്ഞു; ഇന്നത്തെ നിരക്ക്
