നികുതി ലാഭിക്കാം; പുതുവർഷത്തിൽ തിരഞ്ഞെടുക്കേണ്ട നിക്ഷേപമാർഗങ്ങൾ ഏതെല്ലാം?

അവയില്‍ ചിലത് സ്ഥിര വരുമാനം വാഗ്ദാനം ചെയ്യുമ്പോൾ മറ്റ് ചിലത് വിപണിയുമായി ബന്ധപ്പെട്ടുള്ളതാണം. അതുകൊണ്ട് ലഭിക്കുന്ന വരുമാനത്തിലും ചില വ്യത്യാസങ്ങൾ വരാന്‍ സാധ്യതയുണ്ട്.

പുതിയ നികുതി വ്യവസ്ഥയാണോ പഴയ നികുതി വ്യവസ്ഥായാണോ നിങ്ങള്‍ക്ക് യോജിച്ചതെന്ന് ആദ്യം തിരിച്ചറിയണം. ഇതിമാനായി നിക്ഷേപകര്‍ രണ്ട് നികുതി വ്യവസ്ഥകള്‍ക്കും കീഴില്‍ അടക്കേണ്ട നികുതി എത്രയാണെന്ന്

കണക്കാക്കുകയും ഏറ്റവും കുറഞ്ഞ നികുതി അടവ് ഉള്‍പ്പെടുന്ന ഒന്ന് തിരഞ്ഞെടുക്കുകയും വേണം. 2020 ലെ ബജറ്റിലാണ് പുതിയ നികുതി വ്യവസ്ഥ അവതരിപ്പിച്ചത്.

ഇന്‍ഷുറന്‍സ് ഒരു പരിധിവരെ ഉപകാരപ്രദമാണെങ്കിലും ഇക്വിറ്റി ലിങ്ക്ഡ് സേവിംഗ് സ്‌കീമില്‍ നിക്ഷേപിക്കിക്കുന്നത് നികുതി ലാഭിക്കാൻ വളരെ ഉചിതമാണ്. ഇഎല്‍എസ്എസ്, സെക്ഷന്‍ 80ഇ പ്രകാരമുള്ള ആനുകൂല്യങ്ങള്‍ നല്‍കുന്നതിന് പുറമെ, നിങ്ങളുടെ സമ്പാദ്യം വര്‍ധിപ്പിക്കാനും സഹായിക്കും. കൂടുതല്‍ നിക്ഷേപം നടത്താൻ ആഗ്രഹിക്കുന്നവർക്ക് നാഷണൽ പെന്‍ഷന്‍ സിസ്റ്റത്തിൽ നിക്ഷേപിക്കാവുന്നതാണ്.

അതേസമയം, അതാത് വര്‍ഷത്തില്‍ നല്‍കുന്ന ഡോണേഷനുകളും മറ്റും ക്ലെയിം ചെയ്യുകയും വേണം. തൊഴിലുടമയുടെ സഹായത്തോടെ ജീവനക്കാര്‍ക്ക് എല്‍ടിസി ആനുകൂല്യവും നേടാവുന്നതാണ്. എന്നാല്‍ കൂടുതല്‍ റിസ്‌ക് എടുക്കാന്‍ ആഗ്രഹിക്കാത്ത 50 വയസിന് മുകളിലുള്ളവർക്ക് ഫിക്‌സഡ് ഡിപ്പോസിറ്റുകള്‍, നാഷണല്‍ സേവിംഗ് സര്‍ട്ടിഫിക്കറ്റ് (NSC), പബ്ലിക് പ്രൊവിഡന്റ് ഫണ്ട് (PPF) എന്നിവ പോലുള്ള ഫിക്‌സഡ് റിട്ടേണ്‍ ഓപ്ഷനുകള്‍ തിരഞ്ഞെടുക്കാവുന്നതാണ്.

അതേസമയം, 40-കളുടെ അവസാനത്തിലുള്ള ആളുകള്‍ക്ക്, 15 വര്‍ഷത്തെ ലോക്ക്-ഇന്‍ കാലയളവുള്ള പിപിഎഫിനെ അപേക്ഷിച്ച് ലോക്ക്-ഇന്‍ കാലയളവ് വെറും അഞ്ച്‌ വര്‍ഷമുള്ള എഫ്.ഡി അല്ലെങ്കില്‍ എന്‍എസ്സി എന്നിവ മികച്ച ഓപ്ഷനാണ്.

2020 ലെ ബജറ്റിലാണ് പുതിയ നികുതി വ്യവസ്ഥ നടപ്പാക്കുന്നത് സംബന്ധിച്ച പ്രഖ്യാപനം ധനമന്ത്രി നിർമ്മല സീതാരാമൻ നടത്തിയത്. നികുതി റിട്ടേൺ ഫയൽ ചെയ്യുമ്പോൾ പഴയ നികുതി വ്യവസ്ഥയ്ക്ക് പകരം പുതിയത് തിരഞ്ഞെടുക്കാനുള്ള ഓപ്‌ഷൻ നികുതിദായകർക്ക് ലഭിക്കുന്നതാണ്‌.