Kerala Gold Rate| സ്വർണം വാങ്ങാൻ പോകുന്നുണ്ടോ? ഇന്നത്തെ നിരക്ക് അറിയാം

18 കാരറ്റ് സ്വര്‍ണം ഗ്രാമിന് 11895 രൂപയും പവന് 95160 രൂപയുമാണ്. ചില ജ്വല്ലറികൾ ഇത് 11,895 രൂപ നിരക്കിലും വിൽക്കുന്നുണ്ട്. അതേസമയം, 14 കാരറ്റ് സ്വര്‍ണം ഗ്രാമിന് 9260 രൂപയാണ് വേണ്ടത്. പവന് 74080 രൂപയും. 9 കാരറ്റ് ഗ്രാമിന് 5970 രൂപയും പവന് 47760 രൂപയും നല്‍കണം.

സമാനമായ രീതിയിൽ വെള്ളിവിലയിലും ഇന്ന് ഇടിവ് പ്രകടമാണ്. ഗ്രാമിന് 10 രൂപ കുറഞ്ഞ് 290 രൂപയിലാണ് ഇന്ന് വെള്ളി വ്യാപാരം നടക്കുന്നത്.

ഇന്നത്തെ വിപണി വില അനുസരിച്ച് ഒരു പവൻ സ്വർണാഭരണം വാങ്ങാൻ ഉപഭോക്താക്കൾ ശരാശരി 1,31,250 രൂപയെങ്കിലും കരുതേണ്ടി വരും. പവന്റെ അടിസ്ഥാന വില 1,15,800 രൂപയാണെങ്കിലും ഇതിന് പുറമെ ആഭരണത്തിന്റെ ഡിസൈൻ അനുസരിച്ച് 3 ശതമാനം മുതൽ 30 ശതമാനം വരെ പണിക്കൂലി നൽകേണ്ടി വരും. കൂടാതെ ആകെ തുകയുടെ 3 ശതമാനം ജി.എസ്.ടിയും ഹോൾമാർക്കിങ് ചാർജായി 45 രൂപയും അതിന്റെ 18 ശതമാനം ജി.എസ്.ടിയും കൂടി ചേരുന്നതോടെയാണ് ആഭരണത്തിന്റെ അന്തിമ വില നിശ്ചയിക്കപ്പെടുന്നത്.

അന്താരാഷ്ട്ര വിപണിയിൽ സ്വർണവിലയിൽ നേരിയ ഇടിവ് രേഖപ്പെടുത്തിയിട്ടുണ്ട്. ഇന്നലെ ഔൺസിന് 5,086 ഡോളറിൽ ക്ലോസ് ചെയ്ത സ്വർണം ഇന്ന് 5,026 ഡോളർ എന്ന നിലവാരത്തിലേക്ക് താഴ്ന്നു. അമേരിക്കയിലെ നിർണായകമായ സാമ്പത്തിക വിവരങ്ങൾ ഉടൻ പുറത്തുവരാനിരിക്കുന്നതിനാൽ നിക്ഷേപകർ വലിയ നീക്കങ്ങൾക്ക് മുതിരാതെ ജാഗ്രത പാലിക്കുന്നതാണ് രാജ്യാന്തര വിപണിയിലെ ഈ മന്ദതയ്ക്ക് കാരണം.