ലക്ഷം തൊട്ട് സ്വർണം; പവന് ഒറ്റയടിക്ക് കൂടിയത് 1,760 രൂപ; രാജ്യാന്തരവില 4,498 ഡോളർ പിന്നിട്ടു

തിരുവനന്തപുരം: കേരളത്തിന്റെ സ്വർണ വിപണിയിൽ (Kerala Gold Rate) പുതിയ ചരിത്രം. ആദ്യമായി പവൻ വില ഒരു ലക്ഷം രൂപ എന്ന നാഴികക്കല്ല് പിന്നിട്ടു. പവന് ഒറ്റയടിക്ക് 1,760 രൂപ വർധിച്ച് 1,01,600 രൂപയെന്ന റെക്കോർഡ് നിരക്കിലെത്തി. ഗ്രാമിന് 220 രൂപ വർധിച്ച് 12,700 രൂപയുമായി. ജനുവരിയിൽ 57,000 രൂപ നിരക്കിലായിരുന്ന സ്വർണവിലയാണ് ഒരു വർഷത്തിനുള്ളിൽ ഇരട്ടിയോളമായി വർധിച്ചത്. ഒരു ഗ്രാം 24 കാരറ്റ് സ്വർണത്തിന് 13,855 രൂപയും, പവന് 1,10,840 രൂപയുമാണ് നിരക്ക്. 18 കാരറ്റിന് ഒരു ഗ്രാമിന് 10,391 രൂപയും പവന് 83,128 രൂപയുമാണ് വില. വെള്ളി വില ഗ്രാമിന് 234 രൂപയും കിലോഗ്രാമിന് 2,34,000 രൂപയുമാണ് ഇന്നത്തെ നിരക്ക്.