Gold Rate: ഉയർന്ന നിരക്കിൽ തുടർന്ന് സ്വർണവില; നിരക്ക്
- Published by:Sarika N
- news18-malayalam
Last Updated:
പവൻ സ്വർണത്തിന്റെ ഇന്നത്തെ വില 59,480 രൂപയാണ്
തിരുവനന്തപുരം : റെക്കോർഡുകൾ തിരുത്തി മുന്നേറികൊണ്ടിരുന്ന സംസ്ഥാനത്തെ സ്വർണവിലയിൽ ഇന്ന് മാറ്റമില്ല. ഒരു പവൻ സ്വർണത്തിന്റെ ഇന്നത്തെ വില 59,480 രൂപയാണ്. 7435 രൂപയാണ് ഒരു ഗ്രാം സ്വർണത്തിന്റെ ഇന്നത്തെ നിരക്ക്.കഴിഞ്ഞ ദിവസമാണ് പവന് 120 രൂപ കുറഞ്ഞ് 59,480 രൂപ എന്ന നിലയിലും ഗ്രാമിന് 15 രൂപ കുറഞ്ഞ് 7435 രൂപ എന്ന നിലയിലുമെത്തിയത്.ഈ മാസത്തെ ഏറ്റവും ഉയർന്ന നിലയിൽ നിന്നാണ് ഇന്നലെ സ്വർണവില തിരിച്ചിറങ്ങിയത്. എംസി എക്സില് 10 ഗ്രാം 24 കാരറ്റ് സ്വര്ണത്തിന്റെ വില 80803 രൂപയാണ്. അന്താരാഷ്ട്ര വിപണിയില് സ്പോട് ഗോള്ഡിന്റെ വില ട്രോയ് ഔണ്സിന് 2,703.2 ഡോളര് ആണ്.
ഈ മാസത്തിന്റെ തുടക്കത്തില് 57,200 രൂപയായിരുന്നു ഒരു പവന് സ്വര്ണത്തിന്റെ വില. രണ്ടാഴ്ച കൊണ്ട് വിലയിൽ 2800 രൂപയുടെ വർധനവാണ് ഉണ്ടായിരിക്കുന്നത്.ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 76000 രൂപ വേണ്ടി വരും.ഇന്ന് ഒരു പവൻ സ്വർണം വാങ്ങുന്നതിന് 65000 രൂപ വരെ ചിലവ് വരാനാണ് സാധ്യത.2025-ൽ സ്വർണവില 65,000 കടക്കുമെന്നാണ് വിദഗ്ദരുടെ വിലയിരുത്തൽ. ഡോളര് ശക്തിയാര്ജിക്കുന്നതും യുഎസ് ഫെഡറല് റിസര്വ് പലിശനിരക്ക് കുറച്ചതുമാണ് സ്വര്ണവിലയെ സ്വാധീനിക്കുന്നത്. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Kerala
First Published :
Jan 19, 2025 11:58 AM IST
