Thiruvonam Bumper Lottery 2024|25 കോടി കിട്ടാൻ ടിക്കറ്റെടുത്ത 70 ലക്ഷത്തിൽ നിങ്ങളുണ്ടോ? തിരുവോണം ബമ്പർ നറുക്കെടുപ്പിന് മണിക്കൂറുകൾ
- Published by:ASHLI
- news18-malayalam
Last Updated:
25 കോടിരൂപയാണ് ഭാഗ്യശാലിയെ കാത്തിരിക്കുന്നത്. നാളെ ഉച്ചയക്ക് 2 മണിയോടെ ഔദ്യോഗിക ഫലം അറിയാം
തിരുവോണം ബമ്പർ നറുക്കെടുപ്പ് ഫലം അറിയാൻ മണിക്കൂറുകൾ മാത്രം ബാക്കി നിൽക്കേ ടിക്കറ്റ് വിൽപ്പന എഴുപത് ലക്ഷത്തിലേക്ക് . ഭാഗ്യശാലിയെ 25 കോടിരൂപയാണ് കാത്തിരിക്കുന്നത്. ഇന്ന് ഉച്ചയക്ക് 2 മണിയോടെ ഔദ്യോഗിക ഫലം അറിയാം. 25 കോടി രൂപയുടെ ഒന്നാം സമ്മാനം,1 കോടി രൂപ വീതം 20 പേർക്ക് രണ്ടാം സമ്മാനം അടക്കം ആകർഷകമായ സമ്മാനങ്ങളാണ് ഇത്തവണയും ഭാഗ്യശാലികളെ കാത്തിരിക്കുന്നത്.
ജില്ലാ അടിസ്ഥാനത്തില് ഇക്കുറിയും പാലക്കാട് ജില്ലയാണ് വില്പ്പനയില് മുന്നില് നില്ക്കുന്നത്. സബ് ഓഫീസുകളിലേതുള്പ്പെടെ 1302680 ടിക്കറ്റുകളാണ് ഇവിടെ ഇതിനോടകം വിറ്റഴിക്കപ്പെട്ടത്. 946260 ടിക്കറ്റുകള് വിറ്റഴിച്ച് തിരുവനന്തപുരവും 861000 ടിക്കറ്റ് വിപണിയിലെത്തിച്ച് തൃശൂരും ഒപ്പമുണ്ട്. മറ്റ് ജില്ലകളിലും അവശേഷിക്കുന്ന ടിക്കറ്റുകള് ഉടനടി വിറ്റു തീരും എന്ന നിലയിലേയ്ക്ക് വില്പ്പന പുരോഗമിക്കുന്നു.
കേരളത്തില് മാത്രമാണ് സംസ്ഥാന ഭാഗ്യക്കുറിയുടെ വില്പ്പനയെന്നും പേപ്പര് ലോട്ടറിയായി മാത്രമാണ് വില്ക്കുന്നതെന്നും കാട്ടി അവബോധ പ്രചരണം വകുപ്പ് ഊര്ജ്ജിതപ്പെടുത്തിയിട്ടുണ്ട്.
25 കോടി രൂപ ഒന്നാം സമ്മാനവും ഒരു കോടി രൂപ വീതം 20 പേര്ക്ക് നല്കുന്ന രണ്ടാം സമ്മാനവും 50 ലക്ഷം രൂപ മൂന്നാം സമ്മാനവും യഥാക്രമം 5 ലക്ഷവും 2 ലക്ഷവും നാലും അഞ്ചും സമ്മാനങ്ങളും 500 രൂപ അവസാന സമ്മാനവുമായാണ് തിരുവോണം ബമ്പര് ജനങ്ങള്ക്ക് മുമ്പിലുള്ളത്. തിരുവനന്തപുരം ഗോര്ഖി ഭവനില് ബുധനാഴ്ച ഉച്ചയ്ക്ക് 1.30 ന് വി.കെ.പ്രശാന്ത് എംഎഎല്എയുടെ അധ്യക്ഷതയില് ചേരുന്ന ചടങ്ങില് പൂജാ ബമ്പറിന്റെ പ്രകാശനവും തിരുവോണം ബമ്പര് നറുക്കെടുപ്പും ധനകാര്യ മന്ത്രി കെ.എന്.ബാലഗോപാല് നിര്വഹിക്കും.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Oct 08, 2024 9:56 PM IST
മലയാളം വാർത്തകൾ/ വാർത്ത/Money/
Thiruvonam Bumper Lottery 2024|25 കോടി കിട്ടാൻ ടിക്കറ്റെടുത്ത 70 ലക്ഷത്തിൽ നിങ്ങളുണ്ടോ? തിരുവോണം ബമ്പർ നറുക്കെടുപ്പിന് മണിക്കൂറുകൾ
