Fuel price | ഇന്ധനവിലയിൽ മാറ്റമുണ്ടോ? ഇന്നത്തെ പെട്രോൾ-ഡീസൽ നിരക്കുകൾ എങ്ങനെ?

ന്യൂഡൽഹി: രാജ്യത്ത് നീണ്ട കാത്തിരിപ്പുകൾക്കൊടുവിലാണ് ഇന്ധനവില കുറച്ചത്. പെട്രോളിനും ഡീസലിനും ലിറ്ററിന് രണ്ടു രൂപ വീതമാണ് കഴിഞ്ഞ ദിവസം കുറച്ചത്. ഇരുപത്തിരണ്ട് മാസത്തിന് ശേഷമാണ് രാജ്യത്ത് ഇന്ധനവില കുറച്ചത്. റഷ്യ-യുക്രൈന്‍ സംഘര്‍ഷത്തെത്തുടര്‍ന്ന് അസംസ്‌കൃത എണ്ണവില ക്രമാതീതമായി ഉയരുകയും ആഭ്യന്തര വിപണിയില്‍ പെട്രോള്‍, ഡീസല്‍ വില റെക്കോഡിട്ട് കുതിക്കുകയും ചെയ്തതോടെ വിലക്കയറ്റം നിയന്ത്രിക്കാനായി സര്‍ക്കാര്‍ ഇടപെട്ട് ദൈനംദിന വിലപരിഷ്‌കരണം നിര്‍ത്തുകയായിരുന്നു. അക്കാലത്ത് പെട്രോളും ഡീസലും വിലകുറച്ചു വിറ്റതുവഴി കമ്പനികള്‍ക്കുണ്ടായ നഷ്ടം നികത്തിയശേഷം വില കുറയ്ക്കുമെന്ന് നേരത്തേ കേന്ദ്ര എണ്ണ മന്ത്രാലയം പറഞ്ഞിരുന്നു.