Reliance Jio: റിലയൻസ് ജിയോ ഇൻഫോകോമിന്റെ അറ്റാദായം 12 ശതമാനം വർധിച്ച് 5445 കോടി രൂപയായി
- Published by:Rajesh V
- news18-malayalam
Last Updated:
റിലയൻസ് ജിയോ ഇൻഫോകോം 2024 ജൂണിൽ അവസാനിച്ച പാദത്തിൽ അറ്റാദായത്തിൽ 2.02 % ത്രൈമാസിക വർധന രേഖപ്പെടുത്തി
മുംബൈ : റിലയൻസ് ജിയോ ഇൻഫോകോമിന്റെ നടപ്പ് സാമ്പത്തിക വർഷത്തിലെ ആദ്യപാദ അറ്റാദായം 12 ശതമാനം ഉയർന്ന് 5445 കോടി രൂപയായി. വരുമാനം 10 ശതമാനം വർധിച്ച് 26,478 കോടി രൂപയായി. റിലയൻസ് ജിയോ ഇൻഫോകോം 2024 ജൂണിൽ അവസാനിച്ച പാദത്തിൽ അറ്റാദായത്തിൽ 2.02 % ത്രൈമാസിക വർധന രേഖപ്പെടുത്തി, 24 സാമ്പത്തിക വർഷത്തിലെ അവസാനപാദത്തിലെ 5,337 കോടി രൂപയിൽ നിന്ന് 5,445 കോടി രൂപയായി ഉയർന്നു.
വാർഷികാടിസ്ഥാനത്തിൽ, 2024 ജൂണിൽ അവസാനിച്ച പാദത്തിൽ 24 സാമ്പത്തിക വർഷത്തിലെ 4,863 കോടി രൂപയിൽ നിന്ന് അറ്റാദായത്തിൽ 12% വർധനയുണ്ടായി. പ്രവർത്തനങ്ങളിൽ നിന്നുള്ള വരുമാനം മുൻ വർഷം ഇതേ പാദത്തിലെ 24,042 കോടി രൂപയിൽ നിന്ന് 10.1 ശതമാനം ഉയർന്നു.
മൊത്തം ചെലവ് 24 സാമ്പത്തിക വർഷത്തിലെ 18,917 കോടി രൂപയിൽ നിന്ന് തുടർച്ചയായി 1.84% ഉയർന്ന് 19,266 കോടി രൂപയായി, മുൻ വർഷം ഇതേ കാലയളവിലെ 17,594 കോടി രൂപയിൽ നിന്ന് 9.50% വർധന രേഖപ്പെടുത്തി.
advertisement
റിലയൻസ് ഇൻഡസ്ട്രീസിന്റെ ടെലികോം പ്രവർത്തനങ്ങളിൽ നിന്നുള്ള വരുമാനം 26,478 കോടി രൂപയായി.
Summary: Reliance Jio Infocomm reported a Q1 FY25 net profit of Rs 5445 crore, up 12 percent from Rs 4863 crore in the same quarter a year ago. Net profit increased 2 per cent quarter-on-quarter.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Mumbai,Maharashtra
First Published :
Jul 19, 2024 7:39 PM IST
മലയാളം വാർത്തകൾ/ വാർത്ത/Money/
Reliance Jio: റിലയൻസ് ജിയോ ഇൻഫോകോമിന്റെ അറ്റാദായം 12 ശതമാനം വർധിച്ച് 5445 കോടി രൂപയായി
