ഓഹരി വിപണിയിൽ വൻ കുതിപ്പ്; സെൻസെക്സ് 502 പോയിന്റ് ഉയർന്നു; നിഫ്റ്റി പുതിയ ഉയരത്തിൽ
- Published by:Anuraj GR
- news18-malayalam
Last Updated:
ടിസിഎസ്, ടെക് മഹീന്ദ്ര, ഇൻഫോസിസ് ഉൾപ്പടെയുള്ള ഐടി ഓഹരികളാണ് ഇന്ന് വലിയ മുന്നേറ്റം നടത്തിയത്
മുംബൈ: ഏറെക്കാലത്തിന് ശേഷം വെള്ളിയാഴ്ച ഓഹരി വിപണി മികച്ച നേട്ടത്തോടെ ക്ലോസ് ചെയ്തു. സെൻസെക്സ് 502 പോയിന്റ് ഉയർന്നപ്പോൾ ദേശീയ ഓഹരി സൂചികയായ നിഫ്റ്റി പുതിയ ഉയരത്തിലെത്തി. സെൻസെക്സ് 66,160ൽ ആണ് ക്ലോസ് ചെയ്തത്. എൻഎസ്ഇ നിഫ്റ്റി50 19,595 ൽ പുതിയ ഉയരത്തിലെത്തി. ഈ ആഴ്ച ഇന്ത്യൻ ഓഹരി സൂചിക 1.2 ശതമാനം ഉയർന്നു.
സെൻസെക്സ് 30 ഓഹരികളിൽ ടിസിഎസ് 5 ശതമാനം കുതിച്ചുയർന്നു. ടെക് മഹീന്ദ്രയും ഇൻഫോസിസും 4.5 ശതമാനം വീതം വോൾട്ട് ചെയ്തു. എച്ച്സിഎൽ ടെക്നോളജീസും വിപ്രോയും ഏകദേശം 3 ശതമാനം വീതം ഉയർന്നു.
ടാറ്റ സ്റ്റീൽ, നെസ്ലെ, ഹിന്ദുസ്ഥാൻ യുണിലിവർ, ഏഷ്യൻ പെയിന്റ്സ്, ഐസിഐസിഐ ബാങ്ക്, ലാർസൺ ആൻഡ് ടൂബ്രോ തുടങ്ങിയ ഓഹരികൾ നേട്ടത്തിലാണ്. മറുവശത്ത്, മഹീന്ദ്ര ആൻഡ് മഹീന്ദ്രയും പവർഗ്രിഡ് കോർപ്പറേഷനും ഒരു ശതമാനം വീതം ഇടിഞ്ഞു.
advertisement
വിശാലമായ വിപണിയിൽ ബിഎസ്ഇ മിഡ്കാപ്പ് സൂചിക ഒരു ശതമാനം ഉയർന്നപ്പോൾ സ്മോൾക്യാപ് സൂചിക 1.1 ശതമാനം ഉയർന്നു.
ആഗോള വിപണി
ഒറ്റരാത്രികൊണ്ട്, എസ് ആന്റ് പി 500 0.85 ശതമാനവും ഡൗ ജോൺസ് 0.14 ശതമാനവും നാസ്ഡാക്ക് 1.58 ശതമാനവും ഉയർന്നു. ഇന്ന് രാവിലെ ഏഷ്യൻ വിപണികളും മികച്ച നേട്ടത്തിലാണ്. സ്ട്രെയിറ്റ് ടൈംസും കോസ്പിയും 0.9 ശതമാനം വരെ ഉയർന്നു. 0.3 ശതമാനം ഇടിഞ്ഞ് നിക്കി മാത്രമാണ് നഷ്ടം നേരിട്ടത്.
News Summary: The S&P BSE Sensex scaled a fresh summit at 66,160, and eventually ended with a gain of 502 points at 66,061. The NSE Nifty50 hit a new high at 19,595, and finished 151 points stronger at 19,565.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Kochi,Ernakulam,Kerala
First Published :
Jul 14, 2023 4:43 PM IST
മലയാളം വാർത്തകൾ/ വാർത്ത/Money/
ഓഹരി വിപണിയിൽ വൻ കുതിപ്പ്; സെൻസെക്സ് 502 പോയിന്റ് ഉയർന്നു; നിഫ്റ്റി പുതിയ ഉയരത്തിൽ
