Aditya-L1: ആദിത്യ എല്‍ 1 പേടകം ഭൂമിയുടെ സ്വാധീന വലയം ഭേദിച്ചു; സഞ്ചരിച്ചത് 9.2 ലക്ഷം കിലോമീറ്റർ ദൂരം

Published by:Arun krishna
news18-malayalam

Last Updated:Sep 30, 2023 8:52 PM IST

തുടർച്ചയായി രണ്ടാം തവണയാണ് ഭൂമിയുടെ സ്വാധീനവലയത്തിന് പുറത്ത് ഒരു ബഹിരാകാശ പേടകം അയയ്ക്കാൻ ഇസ്രോയ്ക്ക് കഴിയുന്നത്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഇന്ത്യയുടെ പ്രഥമ സൗരദൗത്യം ആദിത്യ എൽ1 ഭൂമിയിൽ നിന്ന് 9.2 ലക്ഷം കിലോമീറ്റർ അകലെ സഞ്ചരിച്ച് ഭൂമിയുടെ സ്വാധീനവലയത്തിൽ നിന്ന് പുറത്തുകടന്നതായി ഐഎസ്ആര്‍ഒ. സൂര്യനും ഭൂമിക്കും ഇടയിലുള്ള ലഗ്രാഞ്ച് പോയിന്റ് 1 (എൽ1) ലക്ഷ്യമാക്കി ആദിത്യ എൽ1 സഞ്ചരിക്കുകയാണെന്ന് ഇസ്രോ ശാസ്ത്രജ്ഞര്‍ പറഞ്ഞു. തുടർച്ചയായി രണ്ടാം തവണയാണ് ഭൂമിയുടെ സ്വാധീനവലയത്തിന് പുറത്ത് ഒരു ബഹിരാകാശ പേടകം അയയ്ക്കാൻ ഇസ്രോയ്ക്ക് കഴിയുന്നത്. ജനുവരി ആദ്യ ആഴ്ചയോടെ ലക്ഷ്യസ്ഥാനമായ ഒന്നാം ലഗ്രാഞ്ചെ പോയിന്റിൽ എത്തും.

Aditya-L1 Mission:

🔸The spacecraft has travelled beyond a distance of 9.2 lakh kilometres from Earth, successfully escaping the sphere of Earth’s influence. It is now navigating its path towards the Sun-Earth Lagrange Point 1 (L1).

🔸This is the second time in succession that…

— ISRO (@isro) September 30, 2023

സെപ്റ്റംബർ രണ്ടിന് ഉച്ചയ്ക്ക് 11.50ന് ശ്രീഹരിക്കോട്ട സതീഷ് ധവാൻ സ്പേസ് സെന്ററിലെ രണ്ടാം ലോഞ്ചിങ് പാഡില്‍ നിന്നാണ് 1480.7 കിലോ ഭാരമുള്ള ആദിത്യ പേടകവുമായി പിഎസ്എൽവി – എക്സ്എൽസി57 റോക്കറ്റ് കുതിച്ചുയർന്നത്. പിഎസ്എൽവി – എക്സ്എൽസി57 റോക്കറ്റ് ആദിത്യയെ വിജയകരമായി ആദ്യ ഭ്രമണപഥത്തിലെത്തിച്ചു. വിക്ഷേപിച്ച് 64 മിനിറ്റിന് ശേഷം 648.7 കിലോമീറ്റർ ദൂരത്തുവച്ചാണ് ആദിത്യ റോക്കറ്റുമായി വേർപെട്ടത്.