ഡിലീറ്റ് ചെയ്ത മെസേജുകൾ ഭാര്യ കണ്ടു; ആപ്പിളിനെതിരെ 52 കോടിയുടെ നഷ്ടപരിഹാരം ആവശ്യപ്പെട്ട് ഭര്‍ത്താവ്

ഡിലീറ്റ് ചെയ്ത മെസേജ് ഭാര്യ കണ്ടെത്തിയതിനെത്തുടർന്ന് ആപ്പിളിനെതിരേ നഷ്ടപരിഹാരമാവശ്യപ്പെട്ട് ഭർത്താവ്. ഐഫോൺ വിവാഹമോചനത്തിന് കാരണമായെന്ന് കാണിച്ചാണ് ഇയാൾ ആപ്പിളിനെതിരെ കേസ് കൊടുത്തത്. ലൈം​ഗിക തൊഴിലാളികൾക്ക് അയച്ച മെസ്സേജ് ഡിലീറ്റ് ചെയ്തിട്ടും ഭാര്യ കണ്ടെത്തിയത് തന്റെ വിവാഹമോചനത്തിന് കാരണമായെന്ന് ബ്രിട്ടീഷ് പൗരനായ റിച്ചാർഡ് അവകാശപ്പെട്ടു. ഇതിന് പിന്നാലെ 52 കോടി രൂപ (5 മില്യൺ പൗണ്ട് ) നഷ്ടപരിഹാരം നൽകണമെന്ന് ആവശ്യപ്പെട്ടാണ് ഇയാൾ ആപ്പിളുമായി നിയമ പോരാട്ടത്തിനിറങ്ങിയിരിക്കുന്നത്. ആപ്പിളിന്റെ ഒരു ഉപകരണത്തിൽ നിന്ന് മെസ്സേജുകൾ ഡിലീറ്റ് ചെയ്തത് സംബന്ധിച്ച് വ്യക്തത ലഭിക്കാത്തത് തന്റെ വ്യക്തിക്ക് ജീവിതത്തിൽ വലിയ നഷ്ടങ്ങൾക്ക് കാരണമായെന്ന് ഇയാൾ പറഞ്ഞു.