Reliance Jio| 35 ലക്ഷം പുതിയ ഉപയോക്താക്കളുമായി റിലയൻസ് ജിയോ ഒന്നാം സ്ഥാനത്ത്; Viക്ക് നഷ്ടമായത് 37 ലക്ഷം പേരെ

ബ്രോഡ് ബാൻഡ് സേവനദാതാക്കളുടെ കാര്യത്തിലും റിലയൻസ് ജിയോ ബഹദൂരം മുന്നിൽ.

News18 Malayalam | news18-malayalam
Updated: October 13, 2020, 8:14 AM IST
Reliance Jio| 35 ലക്ഷം പുതിയ ഉപയോക്താക്കളുമായി റിലയൻസ് ജിയോ ഒന്നാം സ്ഥാനത്ത്; Viക്ക് നഷ്ടമായത് 37 ലക്ഷം പേരെ
Jio
  • Share this:
രാജ്യത്തെ ആകെ മൊബൈൽ ഉപയോക്താക്കളുടെ എണ്ണത്തിൽ വൻ മുന്നേറ്റവുമായി റിലയൻസ് ജിയോ. ജൂലൈ മാസത്തിൽ റിലയൻസ് ജിയോക്ക് ലഭിച്ചത് 35 ലക്ഷം പുതിയ ഉപയോക്താക്കളെന്ന് ട്രായിയുടെ കണക്കുകൾ. അതേസമയം, വോഡഫോണും ഐഡിയയും ലയിച്ചുണ്ടായ പുതിയ ബ്രാൻഡ് വീ (Vi)ക്ക് ഇക്കാലയളവിൽ നഷ്ടമായത് 37 ലക്ഷം ഉപയോക്താക്കളെ. ഇതോടെ ജിയോയുടെ വിപണി പങ്കാളിത്തം 35.03 ശതമാനമായി ഉയർന്നു.

Also Read- അബുദാബി ഇൻവെസ്റ്റ്മെന്‍റ് അതോറിറ്റി റിലയൻസ് റീട്ടെയിലിൽ 5,512.5 കോടി രൂപ നിക്ഷേപിക്കും

ട്രായിയുടെ കണക്ക് പ്രകാരം രാജ്യത്തെ മൂന്നാമത്തെ മൊബൈൽ സേവനദാതാക്കളായ 'വീ' യ്ക്ക് 26.34 ശതമാനം വിപണി പങ്കാളിത്തമാണുള്ളത്. രണ്ടാം സ്ഥാനത്തുള്ള എയർടെല്ലിന് 27.96 ശതമാനമാണ് വിപണി പങ്കാളിത്തം. ജൂൺ മാസത്തിൽ ആകെ  114 കോടി  മൊബൈൽ ഫോൺ ഉപഭോക്താക്കളാണ് രാജ്യത്തുണ്ടായിരുന്നത്. ജൂലൈ അവസാനത്തോടെ ഇത് 114.4 കോടിയായി ഉയർന്നു. 0.30 ശതമാനം വർധനയാണ് ജൂലൈയിൽ രേഖപ്പെടുത്തിയത്.

Also Read- റിലയൻസ് റീട്ടെയിലിൽ 5512.5 കോടി രൂപയുടെ നിക്ഷേപവുമായി സിംഗപ്പുർ കമ്പനി

ഗ്രാമീണമേഖലകളിൽ 52 കോടി മൊബൈൽ ഉപയോക്താക്കളാണുള്ളത്. നഗരങ്ങളിലെ ഉപയോക്താക്കളുടെ എണ്ണം ജൂലൈയിൽ 0.25 ശതമാനം വർധിച്ച് 62 കോടിയായി. കോവിഡ് വ്യാപന കാലഘട്ടത്തിൽ ജൂൺ അവസാനത്തോടെ മൊബൈൽ സാന്ദ്രതാ നിരക്ക് 84.38 ശതമാനമായിരുന്നത് ജൂലൈ അവസാനത്തോടെ 84.56 ശതമാനമായി ഉയർന്നുവെന്നും ട്രായിയുടെ റിപ്പോർട്ട് വ്യക്തമാക്കുന്നു.

Also Read- വിമാനത്തിനുള്ളിൽ മൊബൈൽ സേവനവുമായി റിലയൻസ് ജിയോ; ഇന്ത്യയിൽ ആദ്യം

ബ്രോഡ് ബാൻഡ് സേവനദാതാക്കളുടെ കാര്യത്തിലും റിലയൻസ് ജിയോ ബഹദൂരം മുന്നിലാണ്. ആദ്യത്തെ അഞ്ച് സേവന ദാതാക്കൾക്കാണ് വിപണിയിലെ 98.91 പങ്കാളിത്തവും. ഇതിൽ 56.98 ശതമാനവുമായി റിലയൻസ് ജിയോ ആണ് ഒന്നാം സ്ഥാനത്ത്. എയർടെൽ (22.08%), വീ (16.34 %), ബിഎസ്എൻഎൽ (3.26%), അത്രിയ കൺവേർജൻസ് (0.24%) എന്നിങ്ങനെയാണ് മറ്റുള്ളവരുടെ കണക്ക്. ജൂലൈ മാസത്തിൽ ആകെ ബ്രോഡ് ബാൻഡ് ഉപയോക്താക്കളുടെ എണ്ണം 1.03 ശതമാനം വർധിച്ച് 70.5 കോടിയായി.

Disclaimer: News18.com is part of Network18 Media & Investment Limited which is owned by Reliance Industries Limited that also owns Reliance Jio.
Published by: Rajesh V
First published: October 13, 2020, 8:14 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading