RIL AGM 2020 | ജിയോ ടിവി+, ജിയോ ഗ്ലാസ്; പുതിയ പ്രഖ്യാപനങ്ങളുമായി റിലയൻസ് AGM

ജിയോയുടെ മൊബൈൽ ബ്രോഡ്‌ബാൻഡ് ശൃംഖല കഴിഞ്ഞ മാസം 500 കോടി ജിബി വിതരണം ചെയ്തു. ജിയോ ഫൈബറിൽ ഒരു ദശലക്ഷത്തിലധികം വീടുകൾ ബന്ധിപ്പിച്ചിരിക്കുന്നു. ജിയോയുടെ എന്റർപ്രൈസ് ബ്രോഡ്‌ബാൻഡ് സേവനം ഇന്ത്യൻ കമ്പനികളെ ഡിജിറ്റൽ പരിവർത്തനത്തിലേക്കും ആഗോള മത്സരാത്മകതയിലേക്കും വേഗത്തിൽ മുന്നേറാൻ പ്രാപ്‌തമാക്കുന്നുവെന്നും മുകേഷ് അംബാനി പറഞ്ഞു.

Also Read- Reliance Jio-Google Deal| ജിയോയിൽ നിക്ഷേപവുമായി ഗൂഗിളും; 33737 കോടി രൂപ നിക്ഷേപിക്കും

ജിയോ ഗ്ലാസ് എന്ന ഉൽപന്നത്തിന്‍റെ പ്രഖ്യാപനമാണ് റിലയൻസ് വാർഷിക പൊതുയോഗത്തിലെ ശ്രദ്ധേയമായ മറ്റൊരു കാര്യം. പുതിയ മിക്സഡ് റിയാലിറ്റി ഹെഡ്സെറ്റ്, ഹോളോഗ്രാഫിക് വീഡിയോ കോളിംഗ് പ്രാപ്തമാക്കുന്നതാണിത്. ജിയോ ഗ്ലാസിന്റെ ഭാരം 75 ഗ്രാം മാത്രമാണ്, ഈ വിഭാഗത്തിൽ മികച്ചതും മിക്സഡ് റിയാലിറ്റി സേവനങ്ങൾ വാഗ്ദാനം ചെയ്യുന്നതുമാണ് ജിയോ ഗ്ലാസ്. ഇതിൽ നിലവിൽ 25 ആപ്ലിക്കേഷനുകളുണ്ട്, ഇതു മികച്ച റിയാലിറ്റി വീഡിയോ മീറ്റിംഗുകൾ അനുവദിക്കുന്നു.

റിലയൻസ് വാർഷിക പൊതുയോഗത്തിൽവെച്ച് ജിയോ ടിവി + അവതരിപ്പിച്ചു. ഇഷ അംബാനിയും ആകാശ് അംബാനിയും ചേർന്നാണ് ജിയോ ടിവി + പ്രദർശിപ്പിച്ചത്. ജിയോ ടിവി+ൽ നെറ്റ്ഫ്ലിക്സ്, ആമസോൺ പ്രൈം വീഡിയോ, ഹോട്ട്സ്റ്റാർ തുടങ്ങിയ ഒടിടി പ്ലാറ്റ്ഫോമുകൾ ഒരു അപ്ലിക്കേഷനായി ലഭ്യമാകും. കൂടാതെ ഇതിൽ വോയ്‌സ് തിരയൽ പ്രവർത്തനക്ഷമമാക്കും.

ജിയോ മാർട്ടിന്‍റെ സവിശേഷതകളെക്കുറിച്ച് വിവരിച്ചത് ഇഷാ അംബാനിയാണ്. രണ്ട് കാര്യങ്ങളെ അടിസ്ഥാനാക്കിയുള്ളതാണ് ജിയോമാർട്ട്- 1. ഉപഭോക്താക്കളെയും ചെറുകിട കച്ചവടക്കാരെയും നിർമ്മാതാക്കളെയും ഒന്നിപ്പിക്കുന്നതിനുള്ള ശക്തമായ സാങ്കേതിക പ്ലാറ്റ്ഫോം. 2. പുതിയ വാണിജ്യത്തിന്റെ നേട്ടങ്ങൾ എല്ലാ കോണുകളിലേക്കും കൊണ്ടുപോകുന്ന റിലയൻസ് റീട്ടെയിലിന്റെ വ്യാപകമായ നെറ്റ്‌വർക്ക്.