പണിമുടക്കിയ ഫേസ്ബുക്കും ഇൻസ്റ്റഗ്രാമും പ്രശ്നം പരിഹരിച്ചു

ഫേസ്ബുക്കിൻ്റെയും ഇൻസ്റ്റാഗ്രാമിൻ്റെയും പ്രവർത്തനം പുനഃസ്ഥാപിച്ചതായി മാതൃ കമ്പനിയായ മെറ്റ. ആഗോളതലത്തിൽ വ്യാപകമായ തകർച്ചയെ തുടർന്ന് സേവനങ്ങൾ പുനഃസ്ഥാപിക്കുന്നതായി ഔദ്യോഗികമായി സ്ഥിരീകരിച്ചു. രണ്ട് പ്ലാറ്റ്‌ഫോമുകളിലേക്കും പ്രവേശിക്കാൻ കഴിയാതെ വരികയായിരുന്നു. മെറ്റയിലെ കമ്മ്യൂണിക്കേഷൻസ് ഡയറക്ടർ ആൻഡി സ്റ്റോൺ, തകരാർ മൂലമുണ്ടായ അസൗകര്യത്തിൽ ക്ഷമാപണം നടത്തി. സാങ്കേതിക പ്രശ്നം സംഭവിച്ചതായി അംഗീകരിക്കുകയും അത് കഴിയുന്നത്ര വേഗത്തിൽ പരിഹരിച്ചതായി ഉപയോക്താക്കൾക്ക് ഉറപ്പ് നൽകുകയും ചെയ്തു.