'സംതിങ് വെന്‍റ് റോങ്' ഇന്ത്യയടക്കം വിവിധ രാജ്യങ്ങളില്‍ ട്വിറ്റര്‍ സേവനം തടസ്സപ്പെട്ടു

ന്യൂഡല്‍ഹി: പ്രമുഖ മൈക്രോബ്ലോഗിങ് പ്ലാറ്റ്‌ഫോമായ ട്വിറ്ററിന്റെ പ്രവര്‍ത്തനം വിവിധ രാജ്യങ്ങളില്‍ തടസപ്പെട്ടു. ഇന്ത്യ അടക്കമുള്ള രാജ്യങ്ങളിലെ ഉപയോക്താക്കള്‍ക്ക് ഇതുമൂലം ബുദ്ധിമുട്ട് നേരിടേണ്ടി വന്നതായി പരാതി ഉയര്‍ന്നു. മിക്ക ഉപയോക്താക്കള്‍ക്കും പേജ് ലോഡാവുന്നതില്‍ തടസം നേരിട്ടിരുന്നു. സംതിങ് വെന്റ് റോങ്, ട്രൈ റീലോഡിങ് എന്നിങ്ങനെയാണ്  ഉപയോക്താക്കള്‍ക്ക് കിട്ടിയ മറുപടി. ഞായറാഴ്ച വൈകീട്ട് ഏഴ് മണിയോടെ ഇന്ത്യയില്‍ മാത്രം 2,838 പ്രവര്‍ത്തനതടസങ്ങളാണ് ഡൗണ്‍ ഡിറ്റക്ടര്‍ റിപ്പോര്‍ട്ട് ചെയ്തിട്ടുള്ളത്.ഇന്നലെ രാജ്യത്ത് ജിമെയില്‍ ഉപയോഗത്തിനും തടസം നേരിട്ടിരുന്നു.