പണമിടപാടുകള്‍ക്ക് യുപിഐ ഉപയോഗിക്കുന്നുണ്ടോ? ക്യൂആര്‍ കോഡ് തട്ടിപ്പ് തടയാൻ ഒഴിവാക്കേണ്ടത്

ക്യുആര്‍ കോഡ് ഉപയോഗിച്ച് വളരെ വേഗത്തിലും എളുപ്പത്തിലും പണമിടപാടുകള്‍ നടത്താന്‍ കഴിയും. അതാണ് തട്ടിപ്പുകാര്‍ പ്രയോജനപ്പെടുത്തുന്നതും. ക്യുആര്‍ കോഡ് തട്ടിപ്പില്‍ തട്ടിപ്പുകാര്‍ വ്യാജമോ തെറ്റായതോ ആയ ക്യുആര്‍ കോഡ് കൈമാറുകയാണ് ചെയ്യുന്നത്. പലപ്പോഴും ഉപയോക്താക്കള്‍ക്ക് വിശ്വാസം തോന്നുന്ന ഇടങ്ങളിലാണ് ഇത്തരം തട്ടിപ്പുകള്‍ നടക്കുന്നത്. ഉദാഹരണത്തിന്, കടകള്‍, ഡെലിവറി സേവനങ്ങള്‍, അല്ലെങ്കില്‍ സോഷ്യല്‍ മീഡിയ പ്ലാറ്റ്‌ഫോമുകള്‍ എന്നിവ വഴിയാണ് ഭൂരിഭാഗം തട്ടിപ്പുകളും നടക്കുന്നത്.

യുപിഐ ഇടപാടുകള്‍ നടത്തുമ്പോള്‍ ക്യുആര്‍ കോഡുകളെ ആശ്രയിക്കുന്നതിന് പകരം സ്വീകര്‍ത്താവിന്റെ പരിശോധിച്ചുറപ്പിച്ച യുപിഐ ഐഡിയിലേക്കോ മൊബൈല്‍ നമ്പറിലേക്കോ പണം നേരിട്ട് കൈമാറുന്നതാണ് നല്ലത്. പ്രത്യേകിച്ച് ഉറവിടത്തെക്കുറിച്ച് നിങ്ങള്‍ക്ക് ഉറപ്പില്ലെങ്കില്‍. വഞ്ചനാപരമായ ഇടപാടുകള്‍ മറച്ചുവയ്ക്കാന്‍ ക്യുആര്‍ കോഡുകളില്‍ ആളുകള്‍ അര്‍പ്പിക്കുന്ന വിശ്വാസത്തെ തട്ടിപ്പുകാര്‍ ചൂഷണം ചെയ്യുകയാണ് പതിവ്.