Union Budget 2019: ഗംഗാനദി ചരക്കുനീക്കത്തിനുള്ള പ്രധാന പാതയായി മാറുമോ?

ഗംഗാനദിയെ ചരക്ക് നീക്കത്തിനുള്ള പ്രധാന ജലപാതയായി രൂപാന്തരപ്പെടുത്തുന്നതിന് ലക്ഷ്യമിട്ടുകൊണ്ടുള്ള പ്രഖ്യാപനങ്ങളാണ് ധനമന്ത്രി നിർമല സീതാരാമന്റെ ബജറ്റിലുള്ളത്. ജലഗതാഗത സംവിധാനം മെച്ചപ്പെടുത്തുന്നതിലൂടെ ചരക്ക് നീക്കത്തിന്റെയും ആഭ്യന്തര വ്യാപാരത്തിന്റെയും ചെലവ് കുറയ്ക്കാനാകുമെന്ന് നിർമല സീതാരാമൻ ബജറ്റ് പ്രസംഗത്തിന്റെ ആദ്യഭാഗത്ത് പറയുന്നു. ഉൾനാടൻ ജലഗാതഗത സംവിധാനം മെച്ചപ്പെടുത്തേണ്ടതുണ്ടെന്നും റോഡിലൂടെയും റെയിൽവെയിലൂടെയുമുള്ള ചരക്ക് നീക്കം ഉൾനാടൻ ജലഗതാഗതത്തിലേക്ക് കൊണ്ടുവരേണ്ടതുണ്ടെന്നും മന്ത്രി വ്യക്തമാക്കി.‌