• HOME
  • »
  • NEWS
  • »
  • money
  • »
  • Tax Calculator: ഇനി നിങ്ങൾ എത്ര രൂപ ടാക്സ് അടയ്ക്കണം? കണക്കുകൂട്ടാൻ ടാക്സ് കാൽക്കുലേറ്റർ

Tax Calculator: ഇനി നിങ്ങൾ എത്ര രൂപ ടാക്സ് അടയ്ക്കണം? കണക്കുകൂട്ടാൻ ടാക്സ് കാൽക്കുലേറ്റർ

ആദായനികുതി കണക്കാക്കാൻ സഹായിക്കുന്ന ടാക്സ് കാൽകുലേറ്റർ ഉപയോഗിക്കാം...

tax

tax

  • Share this:
    ന്യൂഡൽഹി: രണ്ടാം മോദി സർക്കാരിന്‍റെ ആദ്യ സമ്പൂർണ ബജറ്റ് ധനമന്ത്രി നിർമല സീതാരാമൻ പാർലമെന്‍റിൽ അവതരിപ്പിച്ചപ്പോൾ ആദായനികുതിയിലെ പ്രഖ്യാപനങ്ങളാണ് ശ്രദ്ധേയമായത്. ആദായനികുതിയിൽ വൻ ഇളവുകളാണ് മന്ത്രി പ്രഖ്യാപിച്ചത്. 15 ലക്ഷത്തിൽ താഴെ വരുമാനമുള്ളവർക്കാണ് നികുതിയിളവ് നൽകിയിരിക്കുന്നത്. അതേസമയം ആദായനികുതി ഇളവുകൾ അനുവദിക്കുന്നതിനുള്ള നിക്ഷേപം സംബന്ധിച്ച തെളിവുകൾ സമർപ്പിക്കാത്തവർക്കാണ് പുതിയ നികുതി ഇളവ് ലഭിക്കുക. നിക്ഷേപം സംബന്ധിച്ച തെളിവുകൾ ഹാജരാക്കുന്നവർക്ക് പഴയ നിരക്കുകൾ തുടരും. ഇവിടെയിതാ, നിങ്ങളുടെ ആദായനികുതി കണക്കാക്കാൻ സഹായിക്കുന്ന ടാക്സ് കാൽകുലേറ്റർ നൽകിയിരുന്നു.

    ഇതിൽ നിങ്ങളുടെ ആദ്യഭാഗത്ത് നിങ്ങളുടെ വയസ് താമസിക്കുന്ന സ്ഥലം(മെട്രോ സിറ്റി / നോൺ മെട്രോ) എന്നീ വിവരങ്ങൾ നൽകുക. രണ്ടാം ഭാഗത്ത് നിങ്ങളുടെ ശമ്പളം ഉൾപ്പടെയുള്ള വരുമാനം സംബന്ധിച്ച വിവരങ്ങൾ നൽകുക. മൂന്നാമതായി നികുതി ഇളവ് ലഭിക്കുന്ന നിക്ഷേപം സംബന്ധിച്ച വിവരങ്ങൾ നൽകാം. ഇത്രയും നൽകി NEXT ബട്ടൺ ക്ലിക്ക് ചെയ്താൽ നിങ്ങൾ അടയ്ക്കേണ്ട ആദായനികുതി എത്രയെന്ന് കണക്കുകൂട്ടി അറിയിക്കും.

    അഞ്ച് ലക്ഷം മുതൽ 7.5 ലക്ഷം വരെ വരുമാനമുള്ളവർക്ക് 10 ശതമാനമാണ് നികുതിയായി നൽകേണ്ടത്. ഏഴര ലക്ഷം മുതൽ 10 ലക്ഷം വരെ വരുമാനമുള്ളവർക്ക് 15 ശതമാനവും 10 മുതൽ പന്ത്രണ്ടര ലക്ഷം വരെ വരുമാനമുള്ളവർക്ക് 20 ശതമാനവുമാണ് ആദായനികുതി. പന്ത്രണ്ടര ലക്ഷം മുതൽ 15 ലക്ഷം വരെയുള്ളവർക്ക് 25 ശതമാനവും 15 ലക്ഷത്തിന് മുകളിലുള്ളവർക്ക് കഴിഞ്ഞ തവണത്തെ പോലെ 30 ശതമാനവുമാണ് ഇത്തവണ നികുതി.

    നിലവിലുണ്ടായിരുന്ന നികുതി ഘടന അനുസരിച്ച് 10 ലക്ഷത്തിന് മുകളിൽ വരുമാനമുള്ളവർക്ക് 30 % ആയിരുന്നു ആദായനികുതി. എന്നാൽ ഇത്തവണ 10 ലക്ഷം മുതൽ പന്ത്രണ്ടര ലക്ഷം വരെയും പന്ത്രണ്ടര മുതൽ 15 ലക്ഷം വരെയും രണ്ടു സ്ലാബുകളാക്കിയാണ് നികുതി നിരക്ക് കുറച്ചത്.
    Published by:Anuraj GR
    First published: