HOME » NEWS » Nattu Varthamanam » AN IOC PETROL PUMP OF THIRUVANANTHAPURAM CITY GIVE TEA AND SNACKS FOR

ഈ പമ്പിലെത്തിയാൽ രണ്ടുണ്ട് കാര്യം; പെട്രോളുമടിക്കാം, ക്ഷീണവുമകറ്റാം

വാഹനമോടിച്ച് ക്ഷീണിച്ചെത്തുന്ന ഡ്രൈവർമാർക്കും യാത്രക്കാർക്കും ആശ്വാസമാവുകയാണ് പമ്പുടമയുടെ ഈ നടപടി

news18
Updated: February 13, 2019, 7:17 PM IST
ഈ പമ്പിലെത്തിയാൽ രണ്ടുണ്ട് കാര്യം; പെട്രോളുമടിക്കാം, ക്ഷീണവുമകറ്റാം
വാഹനമോടിച്ച് ക്ഷീണിച്ചെത്തുന്ന ഡ്രൈവർമാർക്കും യാത്രക്കാർക്കും ആശ്വാസമാവുകയാണ് പമ്പുടമയുടെ ഈ നടപടി
  • News18
  • Last Updated: February 13, 2019, 7:17 PM IST
  • Share this:
തിരുവനന്തപുരം: നഗരത്തിലെ വ്യത്യസ്തമായ ഒരു പെട്രോൾ പമ്പിനെ കുറിച്ചാണിത്. ഇവിടെ എത്തിയാൽ വാഹനങ്ങൾക്ക് ഇന്ധനവും അടിയ്ക്കാം. ഒപ്പം വിശപ്പകറ്റാൻ സൗജന്യമായി നല്ല ചൂടുചായയും കടിയും കഴിക്കുകയും ചെയ്യാം. വാഹനത്തിന്റെ ഡ്രൈവർക്ക് മാത്രമല്ല, വാഹനത്തിലുള്ള എല്ലാവര്‍ക്കും ചായയും കടിയും ലഭിക്കും. എല്ലാവർക്കും ചായയും കടിയും കിട്ടുമെന്ന് ജീവനക്കാർ തന്നെ ഉറപ്പുവരുത്തും. മരുതുംകുഴിയിലെ ഇന്ത്യൻ ഓയിൽ കോർപറേഷന്റെ ഹരേകൃഷ്ണ പമ്പ് ഉടമയാണ് ഉപഭോക്താക്കൾക്കായി ഈ സൗകര്യം ഒരുക്കിയിരിക്കുന്നത്.

എത്രരൂപയ്ക്ക് പെട്രോൾ‌ അടിച്ചിട്ടുണ്ടെന്നത് മാനദണ്ഡമാക്കിയല്ല ചായയും കടിയും നൽകുന്നത്. രാവിലെ 10.30 മുതൽ 11.30 വരെയും വൈകിട്ട് 3.30 മുതൽ 4.40 വരെയുമുള്ള സമയങ്ങളിൽ 150 പേർക്കുള്ള ചായയും കടിയുമാണ് നൽകുന്നത്. ഒന്നും പുറത്തുനിന്ന് വാങ്ങുന്നതല്ല. വീട്ടിൽ തന്നെ നിർമിച്ചതാണ്. സംസ്ഥാനത്ത് തന്നെ ആദ്യമായാണ് ഇത്തരമൊരു സൗകര്യം പമ്പിൽ നിന്ന് ലഭിക്കുന്നത്. വാഹനമോടിച്ച് ക്ഷീണിച്ചെത്തുന്ന ഡ്രൈവർമാർക്കും യാത്രക്കാർക്കും ആശ്വാസമാവുകയാണ് പമ്പുടമയുടെ ഈ നടപടി. ഇത് സേവനമായാണ് കാണുന്നതെന്ന് പമ്പുടമ സുരേഷ് പറയുന്നു. ചായയും കടിയും വിതരണം ചെയ്യാനായി പ്രത്യേകം ജീവനക്കാരെയും പമ്പിൽ നിയമിച്ചിട്ടുണ്ട്.

First published: February 13, 2019, 7:17 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories