ഊബർ വഴി വാങ്ങിയ ദം ബിരിയാണിയിൽ പുഴു; തിരുവനന്തപുരത്ത് ഹോട്ടൽ പൂട്ടി

തിരുവനന്തപുരം: ഓൺലൈനിലൂടെ വാങ്ങിയ ദം ബിരിയാണിയിൽ പുഴുവിനെ കണ്ടെത്തി. ഇതേത്തുടർന്ന് നൽകിയ പരാതിയുടെ അടിസ്ഥാനത്തിൽ ഹോട്ടലിൽ പരിശോധന നടത്തുകയും പൂട്ടാൻ ഉത്തരവിടുകയും ചെയ്തു. കവടിയാറിയിലെ ലാമിയ ഹോട്ടലാണ് പൂട്ടിയത്. ഊബർ ഈറ്റ്സിലൂടെ വാങ്ങിയ ബിരിയാണിയിലാണ് പുഴുവിനെ കണ്ടെത്തിയത്. തുടർന്ന് ഭക്ഷ്യസുരക്ഷ ഉദ്യോഗസ്ഥർക്ക് പരാതി നൽകുകയായിരുന്നു.