Ram Mandir Inauguration LIVE: പ്രധാനമന്ത്രിയുടെ സാന്നിധ്യത്തിൽ രാംലല്ലയ്‌ക്ക് പ്രാണപ്രതിഷ്ഠ; ക്ഷേത്രനഗരി ശ്രീരാമമന്ത്രത്താൽ മുഖരിതം

Ayodhya Ram Mandir LIVE: ചടങ്ങുകൾ തുടങ്ങി

#WATCH | Prime Minister Narendra Modi performs rituals at the Shri Ram Janmaboomi Temple in Ayodhya #RamMandirPranPrathistha pic.twitter.com/vvbxzcYdrJ

— ANI (@ANI) January 22, 2024

പ്രധാനമന്ത്രി നരേന്ദ്രമോദി ശ്രീരാമജന്മഭൂമി ക്ഷേത്രത്തിൽ എത്തി

പ്രധാനമന്ത്രി നരേന്ദ്രമോദി ശ്രീരാമജന്മഭൂമി ക്ഷേത്രത്തിൽ എത്തി

സച്ചിൻ ടെണ്ടുൽക്കറും ക്ഷേത്രത്തിലെത്തി

ഇതിഹാസ ക്രിക്കറ്റ് താരം സച്ചിൻ ടെണ്ടുൽക്കറും പ്രാണപ്രതിഷ്ഠാ ചടങ്ങിൽ പങ്കെടുക്കാൻ അയോധ്യയിലെ ശ്രീരാമജന്മഭൂമി ക്ഷേത്രത്തിലെത്തി

മുകേഷ് അംബാനിയും നിത അംബാനിയും എത്തി

റിലയൻസ് ഇൻഡസ്ട്രീസ് ചെയർമാനും മാനേജിംഗ് ഡയറക്ടറുമായ മുകേഷ് അംബാനിയും നിത അംബാനിയും ശ്രീരാമക്ഷേത്രത്തിലെത്തി

Ayodhya Ram Mandir LIVE: അനുരാധ പൗഡ്വാൾ ഭജൻ ആലപിക്കുന്നു

പ്രശസ്ത ഗായിക അനുരാധ പൗഡ്‌വാൾ രാമക്ഷേത്രത്തിലെ ഭജന ആലപിക്കുന്നു

Ayodhya Ram Mandir LIVE: ആകാശ് അംബാനി എത്തി

റിലയൻസ് ജിയോ ഇൻഫോകോം ലിമിറ്റഡ് ചെയർമാൻ ആകാശ് അംബാനിയും ഭാര്യ ശ്ലോക മേത്തയും ശ്രീരാമക്ഷേത്രത്തിന്റെ പ്രാണപ്രതിഷ്ഠയിൽ പങ്കെടുക്കാൻ എത്തി

മുൻ പ്രധാനമന്ത്രി ദേവഗൗഡ എത്തി

മുൻ പ്രധാനമന്ത്രി എച്ച്‌ഡി ദേവഗൗഡ ശ്രീരാമക്ഷേത്രത്തിലെ ‘പ്രാണപ്രതിഷ്ഠ’ ചടങ്ങിൽ പങ്കെടുക്കാൻ എത്തി.

പ്രധാനമന്ത്രി നരേന്ദ്ര മോദി അയോധ്യയിലെത്തി

പ്രധാനമന്ത്രി നരേന്ദ്ര മോദി അയോധ്യയിലെത്തി

അയോധ്യ രാമക്ഷേത്രം LIVE : മോഹൻ ഭഗവത് ക്ഷേത്രത്തിലെത്തി

അയോധ്യ രാമക്ഷേത്രം LIVE : ആർഎസ്എസ് മേധാവി മോഹൻ ഭഗവത് ശ്രീരാമക്ഷേത്രത്തിലെത്തി.

അയോധ്യയിലെത്തിയ താരങ്ങൾ

അമിതാഭ് ബച്ചൻ , രജനികാന്ത്, ചിരഞ്ജീവി, രാം ചരൺ, മാധുരി ദിക്ഷിത്, രൺബീർ കപൂർ, ആയുഷ്മാൻ ഖുറാന, ആലിയ ഭട്ട്, കത്രീന കൈഫ് രാജ് കുമാർ ഹിറാനി, രോഹിത് ഷെട്ടി, രാം നെനെ, മഹാവീർ ജെയിൻ വിക്കി കൗശൽ, എന്നിവരാണ് എത്തിയത്

Ayodhya Ram Mandir LIVE: താരപ്രഭയിൽ അയോധ്യ

അയോധ്യ പ്രാണ പ്രതിഷ്ഠാ ചടങ്ങിൽ പങ്കെടുക്കാൻ താരങ്ങളെത്തിയപ്പോൾ

രാമരാജ്യം പ്രാണപ്രതിഷ്ഠയോടെ ആരംഭിക്കും

“ഇന്ന് മുതൽ രാമരാജ്യം പ്രാണപ്രതിഷ്ഠയോടെ ആരംഭിക്കും. എല്ലാ അസമത്വങ്ങളും അവസാനിക്കും. എല്ലാവരും സ്നേഹത്തോടെ പെരുമാറും. അയോധ്യയിൽ നിന്ന് രാജ്യം മുഴുവൻ വരുന്ന മാറ്റം വളരെ മനോഹരമായിരിക്കും. ഒപ്പം എല്ലാവരും ഒത്തൊരുമയോടെ ജീവിക്കുകയും ചെയ്യും. ഞങ്ങൾ നല്ല മനസ്സോടെ ജീവിക്കും. ഭഗവാൻ ശ്രീരാമന്റെ അനുഗ്രഹവും എല്ലാവരിലും പതിക്കട്ടെ,” രാമജന്മഭൂമി മുഖ്യ പുരോഹിതൻ ആചാര്യ സത്യേന്ദ്ര ദാസ് പറഞ്ഞു.

രാമരാജ്യത്തിന് തുടക്കമാകുമെന്ന് രാമജന്മഭൂമി മുഖ്യ പുരോഹിതൻ

രാമരാജ്യത്തിന് ഇന്ന് തുടക്കമാകുമെന്ന് രാമജന്മഭൂമി മുഖ്യ പുരോഹിതൻ. പ്രാൺ പ്രതിഷ്ഠാ ചടങ്ങോടെ രാമരാജ്യം ആരംഭിക്കുമെന്നും എല്ലാ അസമത്വങ്ങൾക്കും അറുതി വരുമെന്നും ശ്രീരാമജന്മഭൂമി തീർഥക്ഷേത്രത്തിലെ മുഖ്യ പുരോഹിതൻ ആചാര്യ സത്യേന്ദ്ര ദാസ് പറഞ്ഞു.

ചിരഞ്ജീവിയും രാംചരണും എത്തി

തെലുങ്ക് സിനിമയിലെ സൂപ്പർതാരങ്ങളായ ചിരഞ്ജീവിയും രാംചരണും ‘പ്രാണപ്രതിഷ്ഠ’ ചടങ്ങിൽ പങ്കെടുക്കാൻ എത്തി

ശിവരാജ് സിംഗ് ചൗഹാൻ ശുചീകരണ യജ്ഞത്തിൽ

മധ്യപ്രദേശ് മുൻ മുഖ്യമന്ത്രി ശിവരാജ് സിംഗ് ചൗഹാൻ രാമരാജ ക്ഷേത്രത്തിന്റെ പടവുകൾ തൂത്തുവാരി ശുചീകരണ യജ്ഞത്തിൽ പങ്കെടുത്തു.

ആർട്ടിഫിഷ്യൽ ഇന്റലിജൻസ് ഘടിപ്പിച്ച ഡ്രോൺ നിരീക്ഷണത്തിൽ

ക്ഷേത്രനഗരത്തിലെ സുരക്ഷ വർധിപ്പിക്കുന്നതിനുള്ള സംയോജിത ശ്രമങ്ങളുടെ ഭാഗമായി അയോധ്യ ഇപ്പോൾ ആർട്ടിഫിഷ്യൽ ഇന്റലിജൻസ് ഘടിപ്പിച്ച ഡ്രോണുകളുടെ നിരീക്ഷണത്തിലാണ്.

ഇടവഴികൾ വരെ പോലീസുകാർ തെരുവുകളിൽ പട്രോളിംഗ്

വലിയ ഭക്തജനപ്രവാഹത്തിന് സാക്ഷ്യം വഹിക്കുന്ന ധരംപഥ്, രാംപഥ് മുതൽ ഹനുമാൻഗർഹി അഷർഫി ഭവൻ റോഡ് എന്നിവിടങ്ങളിലെ ഇടവഴികൾ വരെ പോലീസുകാർ തെരുവുകളിൽ പട്രോളിംഗ് നടത്തുന്നു

വമ്പൻ സുരക്ഷാ കവചം

പ്രാണ പ്രതിഷ്ഠാ (Ayodhya Pran Pratishtha) ചടങ്ങുകൾക്കായി അയോധ്യയിൽ വമ്പൻ സുരക്ഷാ കവചം. 10,000 സിസിടിവി ക്യാമറകളും ആർട്ടിഫിഷ്യൽ ഇന്റലിജൻസ് ഘടിപ്പിച്ച ഡ്രോണുകളും ആളുകളുടെയും പോലീസുകാരുടെയും നീക്കങ്ങൾ നിരീക്ഷിക്കുന്നു

Ayodhya Ram Mandir LIVE: പ്രാണ പ്രതിഷ്ഠക്ക് മുൻപ് മംഗളധ്വനി

പ്രാണപ്രതിഷ്ഠയ്ക്കുമുമ്പ് രാജ്യത്തെ 50 പരമ്പരാഗത സംഗീതോപകരണങ്ങൾ ഉപയോഗിച്ചുള്ള മംഗളധ്വനി അരങ്ങേറും. ചടങ്ങിനോടനുബന്ധിച്ച് തിങ്കളാഴ്ച വൈകിട്ട് അയോധ്യയിലെ വിവിധ ക്ഷേത്രങ്ങളിലായി പത്തുലക്ഷം മൺചിരാതുകളിൽ തിരിതെളിയും

Ayodhya Ram Mandir LIVE: സച്ചിനും അമിതാഭ് ബച്ചനും അയോധ്യയിലെത്തി

ശ്രീരാമ പ്രാണപ്രതിഷ്ഠാ ചടങ്ങുകളിൽ പങ്കെടുക്കാൻ ക്രിക്കറ്റ് ഇതിഹാസം സച്ചിൻ ടെൻഡുൽക്കറും നടൻ അമിതാഭ് ബച്ചനും അയോധ്യയിലെത്തി.

Ayodhya Ram Mandir LIVE: ആശംസകൾ നേർന്ന് രാഷ്ട്രപതി

അയോധ്യയിലെ രാമക്ഷേത്ര പ്രതിഷ്ഠ ചടങ്ങിന് ആശംസകൾ നേർന്ന് രാഷ്ട്രപതി ദ്രൗപതി മുർമു. പ്രധാനമന്ത്രി നരേന്ദ്ര മോദിക്ക് അയച്ച കത്തിലാണ് രാഷ്ട്രപതി ആശംസകൾ കൈമാറിയത്. രാമക്ഷേത്ര പ്രതിഷ്ഠയോടെ ചരിത്രപരമായ ഒരു ഘട്ടം പൂർത്തിയാകുമെന്ന് കത്തിൽ ദ്രൗപതി മുർമു ചൂണ്ടിക്കാട്ടി. മോദിയുടെ വ്രതം ശ്രീരാമനോടുള്ള സമ്പൂർണ ഭക്തിയുടെ ഉദാഹരണമാണെന്നും രാഷ്ട്രപതി വ്യക്തമാക്കി.