ഐശ്വര്യം തുളുമ്പുന്ന രാംലല്ലയുടെ മുഖം ഇതാ ! അയോധ്യ രാമക്ഷേത്രത്തില്‍ പ്രതിഷ്ഠിക്കുന്ന വിഗ്രഹത്തിന്‍റെ പൂര്‍ണകായ രൂപം പുറത്ത്

അയോധ്യയില്‍ ജനുവരി 22ന് പ്രാണ പ്രതിഷ്ഠ നടത്തുന്ന ശ്രീരാമ വിഗ്രഹത്തിന്‍റെ പൂര്‍ണകായ രൂപത്തിന്‍റെ ചിത്രം പുറത്ത്. കണ്ണുകള്‍ മഞ്ഞ പട്ടുകൊണ്ട് മറച്ച വിധമുള്ള ചിത്രമാണ് നേരത്തെ പുറത്തുവന്നത്. ഇപ്പോള്‍ പുറത്തുവന്നിരിക്കുന്ന ചിത്രത്തില്‍ ദേവചൈതന്യം തുളുമ്പുന്ന ബാലകനായ രാമന്‍റെ രൂപമാണുള്ളത്. കൈകളില്‍ വില്ലും അമ്പും ഏന്തി, മനോഹരമായ മുടിയിഴകളുമായി ഒരു ചെറുപുഞ്ചിരിയോട് കൂടി നില്‍ക്കുന്ന ശ്രീരാമന്‍റെ ഈ ദിവ്യരൂപമാകും അയോധ്യ ക്ഷേത്രത്തിലെ ഗര്‍ഭ ഗൃഹത്തിനുള്ളില്‍ ഭക്തര്‍ക്ക് ദര്‍ശിക്കാനാവുക.