'നിങ്ങൾ നെതർലൻഡ്സിനെ സഹായിക്കാൻ ശ്രമിക്കുകയാണോ'? മാധ്യമങ്ങളോട് ദേഷ്യപ്പെട്ട് അർജന്‍റീന കോച്ച്

നെതർലൻഡ്സിനെതിരായ നിർണായക ക്വാർട്ടർഫൈനൽ പോരാട്ടത്തിന് തയ്യാറെടുക്കുകയാണ് അർജന്‍റീന ടീം. എന്നാൽ ടീമിനെ പ്രതിസന്ധിയിലാക്കി പ്രധാന താരങ്ങൾക്ക് പരിക്കേറ്റെന്ന വാർത്ത കഴിഞ്ഞ ദിവസം മുതൽ പ്രചരിക്കുന്നുണ്ട്. ടീമിനുള്ളിലെ വിവരങ്ങൾ പുറത്തുപോകുന്നതിലുള്ള അനിഷ്ടം പ്രകടിപ്പിച്ച് അർജന്‍റീന കോച്ച് സ്കലോണി രംഗത്തെത്തി. മാധ്യമപ്രവർത്തകരോട് രോഷത്തോടെയാണ് സ്കലോണി പ്രതികരിച്ചത്. ‘നിങ്ങൾ നെതർലൻഡ്സിനെ സഹായിക്കാൻ ശ്രമിക്കുകയാണോ’? എന്നാണ് അർജന്‍റീന കോച്ചിന്‍റെ ചോദ്യം.