Viral video |ആഷസ് ടെസ്റ്റിനിടെ ഓസീസ് ആരാധികയെ പ്രൊപ്പോസ് ചെയ്ത് ഇംഗ്ലണ്ട് ആരാധകന്‍; വീഡിയോ വൈറല്‍

ഒരു ആഷസിനിടെയാണ് ഇരുവരും ആദ്യം കണ്ടുമുട്ടുന്നതും പ്രണയം മൊട്ടിടുന്നതും എന്നതാണ് കൗതുകകരം. ഓസ്ട്രേലിയയില്‍ 2017-18 ആഷസിനിടെ മെല്‍ബണിലായിരുന്നു ഇരുവരുടെയും ആദ്യ കൂടിക്കാഴ്ച. 'നാല് വര്‍ഷമായി, നീ എന്നെ വിവാഹം കഴിക്കുമോ? നെറ്റിനെ എടുത്തുയര്‍ത്തി റോബ് ഗാബയില്‍ വച്ച് ചോദിച്ചു'. ഇരുവരുടേയും പ്രൊപ്പോസല്‍ ബിഗ്സ്‌ക്രീനില്‍ പതിഞ്ഞതോടെ ഗാലറി ഇളകിമറിഞ്ഞു. മൈതാനത്ത് ഇംഗ്ലീഷ്, ഓസീസ് ആരാധകര്‍ ബന്ധവൈരികളാണെങ്കിലും ഗാലറിയിലെ ഈ രംഗങ്ങള്‍ ആരാധകര്‍ ആഘോഷമാക്കി.

അതേസമയം ഗാബ്ബ ക്രിക്കറ്റ് ടെസ്റ്റ് ആവേശത്തോടെ പുരോഗമിക്കുകയാണ്. 425 റണ്‍സിന് ഓസ്ട്രേലിയ ഓള്‍ഔട്ടായി. രണ്ടാം ഇന്നിങ്സ് ബാറ്റിങ് തുടങ്ങിയ ഇംഗ്ലണ്ടിന് ഓപ്പണര്‍മാരെ തുടക്കത്തില്‍ തന്നെ നഷ്ടമായി. എന്നാല്‍ അര്‍ധ ശതകം പിന്നിട്ട് ഡേവിഡ് മലനും ജോ റൂട്ടും ഇംഗ്ലണ്ടിനെ മുന്നോട്ട് നയിക്കുന്നു. മൂന്നാം ദിനം മൂന്നാം ദിനം സ്റ്റമ്പെടുക്കുമ്പോള്‍ രണ്ട് വിക്കറ്റ് നഷ്ടത്തില്‍ 220 റണ്‍സ് എന്ന നിലയിലാണ് ഇംഗ്ലണ്ട്.