News 18 Exclusive | ജസ്പ്രിത് ബുംറ തിരിച്ചുവരുന്നു; അയർലൻഡിനെതിരായ ടി20യിൽ കളിക്കും

Last Updated:

പുറംവേദനയെ തുടർന്ന് ഈ വർഷം മാർച്ചിൽ ബുംറയ്ക്ക് മുതുകിൽ ശസ്ത്രക്രിയ നടത്തിയിരുന്നു

Bumrah
Bumrah
പരിക്ക് മൂലം ക്രിക്കറ്റിൽനിന്ന് വിട്ടുനിന്ന ഇന്ത്യയുടെ പേസ് ബോളർ ജസ്പ്രിത് ബുംറ കളിക്കളത്തിലേക്ക് മടങ്ങിയെത്തുന്നു. അയർലൻഡിനെതിരായ ടി20യിൽ കളിച്ചുകൊണ്ടായിരിക്കും ബുംറയുടെ തിരിച്ചുവരവ്. ഓഗസ്റ്റിലാണ് അയർലൻഡിനെതിരായ മൂന്ന് മത്സര ടി20 പരമ്പര. ബിസിസിഐയിലെ ഒരു മുതിർന്ന ഉദ്യോഗസ്ഥനാണ് ഇക്കാര്യം സൂചിപ്പിച്ചത്.
“ജസ്പ്രീത് ബുംറ ഈ വർഷം ഓഗസ്റ്റിൽ നടക്കുന്ന അയർലൻഡ് പരമ്പരയിൽ മികച്ച പ്രകടനം കാഴ്ചവെക്കുമെന്നാണ് പ്രതീക്ഷിക്കുന്നത്. ഇത് ഇന്ത്യൻ ക്രിക്കറ്റ് ടീമിന് വലിയ ഉത്തേജനമാകും. കൂടാതെ നീണ്ട പരിക്കിന് ശേഷം തിരിച്ചെത്തുന്ന ബുംറയ്ക്ക് പഴയ ഫോമിലേക്ക് എത്രയും വേഗം തിരിച്ചെത്താനാകും. എല്ലാം ശരിയായ രീതിയിൽ തുടർന്നാൽ, ഏറ്റവും മികച്ച ഫിറ്റ്നസിലുള്ള ബുംറ കളത്തിലിറങ്ങാൻ സാധ്യതയുണ്ട്,” ബിസിസിഐ ഉദ്യോഗസ്ഥൻ പറയുന്നു.
പുറംവേദനയെ തുടർന്ന് ഈ വർഷം മാർച്ചിൽ ബുംറയ്ക്ക് മുതുകിൽ ശസ്ത്രക്രിയ നടത്തിയിരുന്നു. അതിനുശേഷം വിശ്രമത്തിലായിരുന്ന ബുംറ കഴിഞ്ഞ കുറച്ചുദിവസങ്ങളായി ദേശീയ ക്രിക്കറ്റ് അക്കാദമിയിൽ (എൻസിഎ) പരിശീലനം പുനരാരംഭിച്ചിട്ടുണ്ട്. കായകക്ഷമത വീണ്ടെടുക്കുന്നതിനുള്ള പരിശീലനത്തിനാണ് ബുംറ മുൻതൂക്കം നൽകുന്നത്.
advertisement
ഏഷ്യാകപ്പ്, ലോകകപ്പ് പോലെയുള്ള പ്രധാനപ്പെട്ട രണ്ട് ടൂർണമെന്റുകൾക്ക് മുന്നോടിയായി അയർലൻഡ് പരമ്പര ബുംറയ്ക്ക് ആവശ്യമായ മത്സരപരിചയം സമ്മാനിക്കും. മൂന്ന് ടി20 ഐ പരമ്പരയ്ക്ക് ശേഷം, ഇന്ത്യ സെപ്റ്റംബറിൽ ഏഷ്യാ കപ്പിൽ പങ്കെടുക്കും. തുടർന്ന് ഒക്ടോബർ, നവംബർ മാസങ്ങളിൽ സ്വന്തം തട്ടകത്തിൽ നടക്കുന്ന 50 ഓവർ ലോകകപ്പിലാണ് ഇന്ത്യ മാറ്റുരയ്ക്കുന്നത്. ഏഷ്യാകപ്പിലും ലോകകപ്പിലും ഇന്ത്യയുടെ ബോളിങ് ആക്രമണത്തിന് ചുക്കാൻ പിടിക്കാൻ ബുംറയ്ക്ക് കഴിയുമെന്നാണ് ആരാധകർ പ്രതീക്ഷിക്കുന്നത്.
ഇപ്പോൾ ബുംറ എൻസിഎ തലവൻ വിവിഎസ് ലക്ഷ്മണന്റെയും സ്പോർട്സ് സയൻസ് ആൻഡ് മെഡിസിൻ വിഭാഗത്തിന്റെ തലവനായ നിതിൻ പട്ടേലിന്റെയും നിരീക്ഷണത്തിലാണ്.
advertisement
ബുംറയുടെ പരിക്കിന്റെ സമയക്രമം
ഓഗസ്റ്റ്, 2022: ഏഷ്യാ കപ്പ് നഷ്ടമായി
സെപ്റ്റംബർ, 2022: ടി20 ലോകകപ്പിനുള്ള ടീമിൽ തിരിച്ചെത്തി
ഒക്ടോബർ, 2022: ടി20 ലോകകപ്പിൽ നിന്ന് പുറത്തായി
ജനുവരി, 2023: ശ്രീലങ്കൻ ഏകദിനങ്ങൾക്കുള്ള ഇന്ത്യൻ ടീമിൽ എത്തി
ജനുവരി, 2023: പുറം വേദനയെ തുടർന്ന് ശ്രീലങ്കൻ ഏകദിനത്തിൽ നിന്ന് ഒഴിവാക്കി
ഫെബ്രുവരി, 2023: ബോർഡർ ഗവാസ്‌കർ ട്രോഫി നഷ്ടമായി
ഫെബ്രുവരി, 2023: ഇന്ത്യൻ പ്രീമിയർ ലീഗിൽ നിന്ന് പുറത്ത്
മാർച്ച്, 2023: മുതുകിൽ ശസ്ത്രക്രിയ നടത്തി
advertisement
ഏപ്രിൽ, 2023: എൻസിഎയിൽ പരിശീലനം പുനരാരംഭിച്ചു
മലയാളം വാർത്തകൾ/ വാർത്ത/Sports/
News 18 Exclusive | ജസ്പ്രിത് ബുംറ തിരിച്ചുവരുന്നു; അയർലൻഡിനെതിരായ ടി20യിൽ കളിക്കും
Next Article
advertisement
അമീബിക് മസ്തിഷ്ക ജ്വരം ബാധിച്ച് ചിറയിൻകീഴ് സ്വദേശിനി മരിച്ചു; ഈ വർഷം ഇതുവരെ മരിച്ചത് 31 പേർ
അമീബിക് മസ്തിഷ്ക ജ്വരം ബാധിച്ച് ചിറയിൻകീഴ് സ്വദേശിനി മരിച്ചു; ഈ വർഷം ഇതുവരെ മരിച്ചത് 31 പേർ
  • ചിറയിൻകീഴ് സ്വദേശിനി വസന്ത (77) അമീബിക് മസ്തിഷ്ക ജ്വരം ബാധിച്ച് മരണമടഞ്ഞു.

  • ഈ വർഷം അമീബിക് മസ്തിഷ്ക ജ്വരം ബാധിച്ച് സംസ്ഥാനത്ത് 31 പേർ മരണമടഞ്ഞു.

  • വസന്ത ചികിത്സയിലായിരുന്ന തിരുവനന്തപുരം മെഡിക്കൽ കോളേജ് ആശുപത്രിയിൽ മരണമടഞ്ഞു.

View All
advertisement