'വിമര്‍ശകര്‍ക്ക് മറുപടി'; സിക്‌സറിലൂടെ കളംപിടിച്ച് വീണ്ടും 'ഫിനിഷര്‍ ധോണി'

അഡ്‌ലെയ്ഡ്: ബാറ്റിങ്ങില്‍ പരാജയമെന്നും ധോണിയുടെ തുഴച്ചില്‍ ടീമിനെ പരാജയങ്ങളിലേക്ക് നയിക്കുന്നു തുടങ്ങി നിരവധി വിമര്‍ശനങ്ങളാണ് മുന്‍ ഇന്ത്യന്‍ നായകന്‍ എംഎസ് ധോണിക്ക് ക്രിക്കറ്റ് ലോകത്ത് നിന്നും കേള്‍ക്കേണ്ടി വന്നത്. ഒന്നാം ഏകദിനത്തില്‍ ഇന്ത്യ പരാജയപ്പെട്ടപ്പോളും താരതമ്യേന മികച്ച റണ്‍ സ്‌കോര്‍ ചെയ്തിട്ടും ഇന്ത്യന്‍ സൂപ്പര്‍ താരത്തിനു പരാജയത്തിന്റെ ഉത്തരവാദിത്വം ഏല്‍ക്കേണ്ടി വന്നിരുന്നു. ടെസ്റ്റ് ക്രിക്കറ്റിനു അനുയോജ്യമായ രീതിയിലുള്ള ബാറ്റിങ്ങാണ് താരത്തിന്റേതെന്നും ഇതാണ് ഇന്ത്യയെ വിജയങ്ങളില്‍ നിന്ന് അകറ്റുന്നത് എന്നുമായിരുന്നു പ്രധാന വിമര്‍ശനങ്ങളെല്ലാം.