Kerala Blasters | കേരള ബ്ലാസ്റ്റേഴ്സ് ടീം ബസ്സിന്റെ ഫിറ്റ്നസ് സർട്ടിഫിക്കറ്റ് സസ്പെൻഡ് ചെയ്തു

ബസ്സിന്‍റെ പുറക് വശത്തെ അകത്തെയും പുറത്തെയും ടയറുകൾ തേഞ്ഞ് അപകടാവസ്ഥയിലായിരുന്നു. ഡ്രൈവറുടെ ഭാഗത്തെ റിയർ വ്യു മിറർ പൊട്ടിയ നിലയിലായിരുന്നു. വെഹിക്കിൾ ലൊക്കേഷൻ ട്രാക്കിംഗ് സിസ്റ്റത്തിന്‍റെ കാലാവധി കഴിഞ്ഞിരുന്നു. ഫസ്റ്റ് എയ്ഡ് ബോക്സിൽ ആവശ്യമായ മരുന്നുകൾ ഉണ്ടായില്ല എന്നതടക്കമുള്ള നിയമലംഘനമാണ് കണ്ടെത്തിയത്. തുടർന്നാണ് ബസ്സിന്‍റെ ഫിറ്റ്നസ് സർട്ടിഫിക്കറ്റ് ഉദ്യോഗസ്ഥർ സസ്പെന്‍ഡ് ചെയ്തത്.

ഇനി വാഹനം റോഡിൽ ഉപയോഗിക്കാൻ 14 ദിവസത്തിനകം നിയമലംഘനങ്ങൾ പരിഹരിച്ച് ഫിറ്റ്നസ് സർട്ടിഫിക്കറ്റ് പുനഃസ്ഥാപിച്ചാൽ മാത്രമേ സാധ്യമാകുകയുള്ളൂ. വടക്കഞ്ചേരി അപകടത്തിന്‍റെ പശ്ചാത്തലത്തിൽ സ്വകാര്യ ടൂറിസ്റ്റ് ബസ്സുകളിലെ സ്റ്റിക്കറുകൾ അടക്കം നീക്കാൻ മോട്ടോർ വാഹനവകുപ്പ് നടപടി എടുത്തിരുന്നു. കേരള ബ്ലാസ്റ്റേഴ്സി ടീം ബസ്സിനും ശനിയാഴ്ച നോട്ടീസ് നൽകുകയും ഉടമയോട് കാക്കനാട് ആർ.ടി.ഒ. ഓഫീസിൽ ഹാജരാകാൻ നിർദ്ദേശം നൽകുകയും ചെയ്തിരുന്നു. എന്നാൽ സ്റ്റിക്കർ ഇതുവരെ നീക്കാൻ ഉടമ തയ്യാറയില്ല. തുടർന്നാണ് ഇന്ന് പരിശോധന നടത്തി ഫിറ്റ്നസ് സസ്പെൻഡ് ചെയ്തത്.